Հովհաննես Ադամյան փողոց (Շուշի)

Հովհաննես Ադամյան փողոց
Երկիր	Արցախ
Շրջան	Շուշիի շրջան
Գտնվում է	Շուշի
Անվանվել է	Հովհաննես Ադամյան

Հովհաննես Ադամյան փողոց, փողոց Արցախի Հանրապետության Շուշիի շրջանի Շուշի քաղաքում։ Փողոցն անվանակոչվել է ի պատիվ գունավոր հեռուստատեսության հիմնադիր Հովհաննես Ադամյանի։

2004 թվականին «Շուշի» բարեգործական հիմնադրամը, ելնելով Շուշի քաղաքի զարգացման իր հայեցակարգից, ինչպես և եվրոպական նմանատիպ քաղաքների վերակառուցման փորձից, մշակել էր քաղաքային մի հատվածի` Հովհաննես Ադամյանի անվան փողոցի 19-րդ դարի ճարտարապետական միջավայրի վերականգնման ծրագիրը։ Քաղաքի իշխանություններից ստանալով քաղաքի այդ հատվածի վերակառուցման իրավունքը, «Շուշի» հիմնադրամը պայմանագիր է կնքում իրավաբանական այն սուբյեկտների հետ, որոնք պատրաստ են վերականգնել տվյալ շենքը, նրա շինարարության ավարտից հետո ներդնել շահավետ բիզնես` ելնելով քաղաքի զբոսաշրջության զարգացման պահանջներից։

Փողոցի ամբողջական վերակառուցումը պետք է ավարտվեր 2008 թվականի աշնանը։

Շենքեր և կառույցներ

• Ադամյան փողոցի կառուցապատման հատված (19-րդ դար)
• №1 Բնակելի տուն (19-րդ դար)
• №3 Բնակելի տուն (19-րդ դար)
• №5 Բնակելի տուն (19-րդ դար) - եղել է ՀՅԴ բյուրոյի շենքը
• №5 Բնակելի տան դիմաց - Բնակելի տուն (19-րդ դար)
• №7 Թաղային աղոթարան («Մարդինլի» մզկիթ, 19-րդ դար)
• №9 Հասարակական շենք (19-րդ դար)
• №9 Բնակելի տան դիմաց - Իվան Թևոսյանի բնակելի տուն (19-րդ դար)
• Ադամյան և Տմբլաչի Խաչանի փողոցների խաչմերուկի արևելյան կողմում- Բնակելի տուն (19-րդ դար)
• Ադամյան և Թևանի փողոցների խաչմերուկ - Միրզաջան Մահտեսի Հակոբյանի բնակելի տուն (Մահտեսի Հակոբյանի տպարանի շենք)
• Տմբլաչի Խաչան և Ադամյան փողոցների խաչմերուկի արևմտյան կողմ - Քաղաքային բաղնիքի շենք

Պատկերասրահ

• 
  «Մարդինլի» մզկիթը
• 
  Քաղաքային բաղնիքի շենքը

Արտաքին հղումներ

• 62. ԵՐԵՎԱՆՅԱՆ ՄԻՋՕՐԵ
• ԱՎԵԼԻ ԲԱՐԵԿԱՐԳ ՇՈՒՇԻ