Աբաջիկ

Աբաջիկ
Տեսակ	հրաբխային լեռ
Երկիր	Թուրքիա
Վարչատարածքային միավոր	Աղրըի մարզ
Լեռնաշղթա	Վասպուրականի
Լեռնային համակարգ	Հայկական հրաբխային բարձրավանդակ
Աբաջիկ (Թուրքիա)

Աբաջիկ, լեռ Հայկական լեռնաշխարհի կենտրոնական հատվածում։

Անվանում

Լեռան անվանման հնարավոր վարկած է դրա թյուրքական ծագումը. ժամանակակից թուրքերենով «abacı» նշանակում է «դերձակ»։ Այս անվանումով եղել են բնակավայրեր, կան ազգանուններ ինչպես հայերի շրջանում (Աբաջյան, Աբաջյանց, Ապաճյան), այնպես էլ օտարների (Աբաջիև)։

Տեղադրություն

Աբաջիկ լեռը գտնվում է Արարատից հարավ՝ Վասպուրականի կամ Կոտուրի (թուրքերեն՝ Van Doğusu Dağları) լեռնաշղթայում։ Լեռան հյուսիսում գտնվում է Բայազետի գոգավորությունը (Ալաշկերտի դաշտ), որով հոսող Մակու գետը Իրանի տարածքում միանում են Արաքսին։ Ալաշկերտի՝ Աբաջիկ լեռան հարող հատվածը ժամանակին հայտնի էր որպես Ձիրավի դաշտ։ 371 թվականին այստեղ տեղի է ունեցել ճակատամարտ՝ հայ-հռոմեական և պարսկական զորքերի միջև։

Համաձայն Թուրքիայի վարչատարածքային բաժանման՝ լեռը գտնվում է Աղրըի մարզի Բայազետի շրջանում, Իրանի սահմանից ոչ հեռու։ Այդտեղից 25 կմ հյուսիս գտնվում է մարզկենտրոն Բայազետը։ Լեռան ստորոտով անցնում է Բայազետ-Մակու ճանապարհը, որն Արտազի դաշտը կապում է Բայազետի գոգավորությանը։