Աշնանային առավոտ Էրանիում
 | |
|---|---|
 | |
| տեսակ | գեղանկար |
| նկարիչ | Կամիլ Պիսսարո |
| տարի | 1897 |
| բարձրություն | 54 ± 1 սանտիմետր |
| լայնություն | 65 ± 1 սանտիմետր |
| ժանր | բնանկար |
| նյութ | կտավ և յուղաներկ |
| գտնվում է | Պուշկինի անվան Կերպարվեստի թանգարան |
| հավաքածու | Պուշկինի անվան Կերպարվեստի թանգարան |
| սեփականատեր | Իվան Մորոզով |
պատկերված են
| |
Ծանոթագրություններ | |
«Աշնանային առավոտ Էրանիում» (ֆր.՝ Le Grand Noyer, matin d’automne, Éragny, «Մեծ ընկուզենի, աշնանային առավոտ, Էրանի»), ֆրանսիացի իմպրեսիոնիստ նկարիչ Կամիլ Պիսարոյի նկարը Պուշկինի թանգարանի հավաքածուից։
Նկարի վրա պատկերված է խնձորի այգի՝ դեղնել սկսող սաղարթով։ Խնձորի ծառերի հետևում գտնվում է մի մեծ ընկուզենի, որը կիսով չափ ծածկված է սաղարթով։ Նրա բնի հետևում երևում է մեծ սպիտակ երկհարկանի տուն՝ կարմիր տանիքով։ Ներքևի ձախ մասում նկարչի ստորագրությունն է և ամսաթիվը՝ C. Pissarro 97։
Ինչպես հետևում է նկարչի ստորագրությունից և հեղինակային անվանումից, նկարը ստեղծվել է 1897 թվականին Ֆրանսիայի հյուսիսում գտնվող Էրանի գյուղի մերձակայքում, որտեղ նկարիչը մշտապես բնակվել է 1884 թվականից[1]։ Նկարի առաջին սեփականատերը եղել է ֆրանսիացի բժիշկ Ժորժ Վինոն։ 1907 թվականի սկզբին նրա հավաքածուն վաճառքի է հանվել Պոլ Դյուրան Ռյուելի պատկերասրահում և մարտի 4-ին այնտեղ այն 2800 ֆրանկով ձեռք է բերել Մոսկվայի արդյունաբերող և կոլեկցիոներ Ի. Ա. Մորոզովը[2]։ Հոկտեմբերյան հեղափոխությունից հետո Մորոզովի հավաքածուն ազգայնացվել է, և 1923 թվականից նկարը գտնվել է Նոր արևմտյան արվեստի պետական թանգարանում։ 1948 թվականին՝ Նոր արևմտյան արվեստի թանգարանի լուծարումից հետո, նկարը տեղափոխվել է Ա. Ս. Պուշկինի անվան գեղարվեստի պետական թանգարանում[1]։ Կտավը ցուցադրվում է նախկին ֆլիգելայում՝ Գոլիցինների կալվածքում (Վոլխոնկա)՝ Եվրոպայի և Ամերիկայի 19-20-րդ դարերի արվեստի պատկերասրահում (16-րդ սրահ)[3]։
1884 թվականին Էրանի տեղափոխվելուց ի վեր այդ այգին մշտապես հայտնվել է Պիսարոյի տեսադաշտում. նույն թվականին նա առաջին անգամ այն պատկերել է «Մառախուղ Էրանիում» կտավի վրա (գտնվելու վայրը հայտնի չէ, հայտնի է 1904 թվականի վերարտադրությամբ)[4]։ Պուշկինի թանգարանի նկարին շատ մոտ է Գիզայի Մուհամեդ Մահմուդ Խալիլի (Եգիպտոս) թանգարանի՝ 1894 թվականին ստեղծված «Մեծ ընկուզենի, եղյամ արևի վրա։ Էրանի»[5] և «Մեծ ընկուզենին գարնանը, Էրանի» (մասնավոր հավաքածու) նկարներին․ երկու նկարներն պատկերում են նույն տեղը, բայց մի քիչ այլ տեսանկյունից։ Վերջին անգամ Պիսարոն իր այգին պատկերել է 1903 թվականին իր մահվանից քիչ առաջ՝ «Խնձորենի և բլուր Էրանիում, առավոտյան արև» նկարում, որը ներկայում պահվում է Բազելի արվեստի թանգարանում[6]։ Կան բազմաթիվ այլ, բավական մոտ աշխատանքներ, որոնք ստեղծվել են ինչպես մինչև 1897 թվականը, այնպես էլ դրանից հետո։
-
«Մառախուղ Էրանիում», 1884 թվական, գտնվելու վայրն անհայտ է -
«Մեծ ընկուզենի, եղյամ արևի վրա։ Էրանի», 1894 թվական, Մուհամեդ Մահմուդ Խալիլի թանգարան Գիզայում (Եգիպտոս) -
«Մեծ ընկուզենին։ Էրանի», 1894 թվական, մասնավոր հավաքածու
Ծանոթագրություններ[խմբագրել | խմբագրել կոդը]
- ↑ 1,0 1,1 Бессонова, Георгиевская, 2001, էջ 217
- ↑ Pissarro, vol. 3, 2005, էջ 746
- ↑ ГМИИ им. А. С. Пушкина. — Камиль Писсарро. «Осеннее утро в Эраньи».
- ↑ Pissarro, vol. 3, 2005, էջ 502
- ↑ Pissarro, vol. 3, 2005, էջ 658
- ↑ Pissarro, vol. 3, 2005, էջ 907
Գրականություն[խմբագրել | խմբագրել կոդը]
- Бессонова М. А., Георгиевская Е. Б. Франция второй половины XIX — XX века. Собрание живописи / Государственный музей изобразительных искусств имени А. С. Пушкина. — М.: Красная площадь, 2001. — 399 с. — ISBN 5-900743-58-6
- Pissarro J., Duran-Ruel Snollaerts C. Pissarro. Catalogue critique des peintures. — Milano: Skira, Wildenstein Institute Publications, 2005. — Vol. 3. — 499—963 p. — ISBN 88-7624-525-1