Արման Հակոբյան (զինվորական)
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Անվան այլ կիրառումների համար տե՛ս՝ Արման Հակոբյան (այլ կիրառումներ)- Վիքիպեդիայում կան հոդվածներ Հակոբյան ազգանունով այլ մարդկանց մասին։
| Արման Հակոբյան | |
|---|---|
.jpg) | |
| Ծնվել է | օգոստոսի 10, 2002 |
| Ծննդավայր | Թալին, Արագածոտնի մարզ, Հայաստան |
| Մահացել է | օգոստոսի 16, 2021 (19 տարեկան) |
| Պարգևներ և մրցանակներ |  |
Արման Հովհաննեսի Հակոբյան (օգոստոսի 10, 2002, Թալին, Արագածոտնի մարզ, Հայաստան - օգոստոսի 16, 2021), ՀՀ ԶՈՒ ծառայող, «Հայրենիքին մատուցած ծառայությունների համար» 1-ին աստիճանի մեդալակիր[1]։
Կյանք[խմբագրել | խմբագրել կոդը]
Արման Հակոբյանը ծնվել է 2002 թվականի օգոստոսի 10-ին Արագածոտնի մարզի Թալին քաղաքում։ 2008 թվականին հաճախել է Թալինի թիվ 1 հիմնական, ապա 2017 թվականին կրթությունը շարունակել է ավագ դպրոցի բնագիտամաթեմատիկական հոսքում, որն էլ ավարտել է 2020 թվականին։ Երազել է դառնալ խոհարար։
Զինվորական ծառայություն[խմբագրել | խմբագրել կոդը]
Արման Հակոբյանը պարտադիր զինվորական ծառայության է մեկնել 2021 թվականի մարտի 24-ին՝ ծառայության անցնելով ՀՀ Գեղարքունիքի մարզի Վարդենիսի N զորամասում որպես գնդացրորդ։
Արմանը դեռ 1,5 ամսվա զինծառայող էր, երբ 2021 թվականի մայիսի 12-ին հակառակորդը ներխուժում է Սյունիքի մարզի Սև լճի տարածք և դիրքավորվում։ Նույն օրը տագնապ հրամանով Արման Հակոբյանը վաշտի հետ միասին տեղափոխվում է Սև լճի տարածք, որտեղ էլ ակտիվ մասնակցություն է ունենում այստեղ մղվող գործողություններին։
Սև լճում որոշ ժամանակ մնալուց հետո տեղափոխվում են մարտական հերթապահություն կատարելու Վերին Շորժայում և Նորաբակում։
Օգոստոսի 2-ին մարտական հերթապահության են տեղափոխվում Կութ գյուղի դիրքեր։ Օգոստոսի 16-ին, ժամը 18:10-ի սահմաններում[2], ադրբեջանական ԶՈւ ստորաբաժանումները հերթական անգամ դիմել են սադրանքի` տարբեր տրամաչափի հրաձգային զինատեսակներից կրակ բացելով հայ-ադրբեջանական սահմանի Սոթք, Կութ, Նորաբակ գյուղերի ուղղությամբ[3]։ Արման Հակոբյանը, հակառակորդին պատճառելով 3-5 զոհ, ծավալված ինտենսիվ փոխհրաձգության հետևանքով հակառակորդի դիպուկահարի կրակոցից ստացել է մահացու հրազենային վիրավորում[4][5][6]։
Պարգևներ[խմբագրել | խմբագրել կոդը]
- Հայաստանի Հանրապետության նախագահի 2021 թվականի օգոստոսի 18-ի հրամանագրով հայրենիքի սահմանները պաշտպանելիս ցուցաբերած խիզախության և անմնացորդ նվիրումի համար Արման Հակոբյանը հետմահու պարգևատրվել է «Հայրենիքին մատուցած ծառայությունների համար» 1-ին աստիճանի մեդալով[7]։
- ՀՀ Պաշտպանության նախարարության կողմից 2021 թվականի սեպտեմբերի 9-ին Արման Հակոբյանը հետմահու պարգևատրվել է «Հայրենիքի սահմանների պաշտպանության համար մղված թեժ մարտերում մեր ապրելու իրավունքն իր կյանքով ամրագրելու և դարպասներն անառիկ պահելու համար» պատվոգրով։
- Զորամասի հրամանատարության կողմից 2022 թվականի հունվարի 10-ին Արման Հակոբյանը հետմահու պարգևատրվել է «Մարտական հերթապահություն» շքանշանով և հավաստագրով։
Հիշատակ[խմբագրել | խմբագրել կոդը]
Այն դիրքը, որտեղ զոհվել է Արման Հակոբյանը, կոչվել է իր անունով։
Հուղարկավորվել է Թալինի պանթեոնում։
Ծանոթագրություններ[խմբագրել | խմբագրել կոդը]
- ↑ [Երկիր Մեդիա / Yerkir Media TV «Ձեզ բացակա չենք դնի»].
{{cite web}}: Check|url=value (օգնություն) - ↑ «Գեղարքունիքում ադրբեջանական զինուժի կրակից զոհվել է Արման Հովհաննեսի Հակոբյանը». Hetq.am. Վերցված է 2022 թ․ մարտի 30-ին.
- ↑ «Սոթք, Կութ, Նորաբակ, Ազատ գյուղերի վրա են կրակել, ԱԹՍ-ներ են նկատվել. համայնքապետ | 24news». www.24news.am. Վերցված է 2022 թ․ մարտի 30-ին.
- ↑ Author (2021 թ․ օգոստոսի 17). «Երեկ զոհված Արման Հովհաննեսի Հակոբյանը». ՀՐԱՊԱՐԱԿ. Վերցված է 2022 թ․ մարտի 30-ին.
{{cite web}}:|last=has generic name (օգնություն) - ↑ «Հայկական կողմը եւս մեկ զոհ ունի». mediamax.am (անգլերեն). Վերցված է 2022 թ․ մարտի 30-ին.
- ↑ «Հակառակորդի կրակոցից ժամկետային զինծառայող է զոհվել, ադրբեջանական կողմն ունի առնվազն 3 զոհ և վիրավոր. ՊՆ». news.am. Վերցված է 2022 թ․ մարտի 30-ին.
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2022 թ․ մարտի 30-ին.