Արյունով ապուր
 | |
|---|---|
 Ֆիլիպինյան դինուգուան արնապուրը | |
| Տեսակ | Ապուր |
| Ենթատեսակ | ապուր և սննդամթերք |
| Բաղադրամասեր | |
| Հիմնական | Արյուն |
 Blood soups Վիքիպահեստում | |
Արյունով ապուր, ցանկացած ապուր, որի հիմնական բաղադրիչներից է մեկ կամ մի քանի կենդանիների արյունը։ Ապուրի այդ տեսակը մեծ տարածում ունի տարբեր երկրներում[1]։ Արյունով ապուրի պատրաստման համար սովորաբար օգտագործում են խոզի կամ տնային թռչունների արյունը։
Արյունով ապուրների օրինակներ[խմբագրել | խմբագրել կոդը]
- Բադի արյունով և վերմիշելով ապուր, ավանդական նանկինյան համադամ
- Գոդիյա, սլովենական ավանդական ապուր` խոզի արյունից
- Դինուգուան, ֆիլիպինյան ապուր, որը պատրաստում են խոզի արյունից և փորոտիքից կամ մսից
- Հավի և բադի արյունով ապուր, Շանհայում տարածված արնապուր
- Հեջանգուկ, կորեական ապուր, որը պատրաստում են տավարի արգանակի մեջ ավելացնելով եզան մակարդված արյուն և բանջարեղեն. հայտնի է որպես խումհարության դեղ
- Մյուկյուրոկկա, Ֆինլանդիայի կենտրոնական շրջաններում տարածված ուտեստ
- Յաուարլուկրու, Էկվադորի բարձրալեռնային մարզերում տարածված ուտեստ, որը պատրաստում են գառան արյունով և մորթի մնացորդներով
- Յուկա, Լիտվայի Ձուկիա մարզում տարածված ապուր` սագի, բադի կամ հավի արյունից
- Շվարցզաուեր, արյունով գերմանական ապուր` տարբեր համեմունքներով և քացախով
- Չերնինա, լեհական ապուր, որը պատրաստում են բադի, սագի կամ խոզի արյունից և արգանակից[2]
- Չորնայա պոլիվկա, բելառուսական ապուր, որը պատրաստում են բադի, սագի կամ խոզի արյունից և արգանակից
- Պրդելաչկա, Չեխիայում խոզի մորթի սեզոնին ավանդաբար պատրաստվող ապուր խոզի արյունից[3]
- Սակսանգ, Ինդոնեզիայում բնակվող բատակների կծու ճաշատեսակ, որը պատրաստում են արյան և կոկոսի կաթի մեջ եփելով խոզի կամ շան միսը` համեմունքներով
- Սև ապուր կամ սպարտական ապուր, Հին Հունաստանում խոզի արյունից պատրաստվող ապուր
- Սվարտսոպա, Շվեդիայի Սկոնե մարզում տարածված ապուր սագի կամ խոզի արյունից
- Տյետ կան, բադի արյունով վիետնամական ապուր
- Ֆրիտադա, Հյուսիսային Մեքսիկային և հատկապես` Մոնտեռեյին հատուկ ճաշատեսակ, որը պատրաստվում է խորոված այծից և դրա` մորթի ընթացքում հավաքված արյունից
Ծանոթագրություններ[խմբագրել | խմբագրել կոդը]
- ↑ Davidson, Alan (1999). The Oxford Companion to Food. Oxford University press. ISBN 0-19-211579.
- ↑ Pang, Kevin Pang; Borrelli, Christopher (October 27, 2011). "There will be blood. Chicago Tribune. Accessed November 2011.
- ↑ Czech Radio (February 9, 2007). Recept pro tento den Արխիվացված 2013-02-10 archive.today. Accessed March 2012.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Արյունով ապուր կատեգորիայում։ |