Ժողովրդավարական համախմբում կուսակցություն

Ժողովրդավարական համախմբում կուսակցություն;
Տեսակ	կուսակցություն
Երկիր	Հայաստան
Առաջնորդ	Սուրեն Պետրոսյան
Հիմնադրված	փետրվարի 27, 2021
Գաղափարախոսություն	քաղաքական հարթությունում՝ ազատականությունը. տնտեսական հարթությունում՝ սոցիալական մոտեցումը. մշակութային հարթությունում՝ պահպանողականությունը։
Շտաբ	Երևան, Հայաստան

«Ժողովրդավարական համախմբում» կուսակցություն (ԺԴՀԿ), գործող քաղաքական կուսակցություն Հայաստանում։ Հիմնադրվել է 2021 թվականի փետրվարի 27-ին^[1]։ Նախագահն է Սուրեն Պետրոսյանը։

ԺԴՀԿ-ն իր գործունեության գաղափարական հենք է սահմանել՝ քաղաքական հարթությունում՝ ազատականությունը, տնտեսական հարթությունում՝ սոցիալական մոտեցումը, մշակութային հարթությունում՝ պահպանողականությունը։

«Ժողովրդավարական համախմբում» կուսակցությունը սահմանում է «հզոր պետությունը, անկախ հայրենիքը և ազատ անհատը»՝ որպես իր գործունեության գերակայություն։

Գործունեություն[խմբագրել | խմբագրել կոդը]

2021[խմբագրել | խմբագրել կոդը]

«Ժողովրդավարական համախմբում» կուսակցությունը Երևանում^[2] և Գյումրիում^[3] իրականացրել է «Արցախի կորսված կոթողները» խորագրով ցուցահանդես։ Ցուցահանդեսի նպատակն էր հանրության և օտարերկյա հյուրերի շրջանում բարձրացնել Արցախյան 44 օրյա պատերազմի հետևանքով Ադրբեջանի կողմից օկուպացված տարածքներում հայկական պատմամշակութային հուշարձանների վերաբերյալ իրազեկվածությունը։

«Ժողովրդավարական համախմբում» կուսակցությունը մայիսին հիմնել է Ժողովրդավարության հայկական դպրոցը։ Դպրոցի ստեղծման նպատակներից է՝ ազգային ինքնության արդիականացումը, հանրային քաղաքականության իրականացումը և ժողովրդավարության սեփական մոդելի ձևավորումը։ Ժողովրդավարության հայկական դպրոցը միտված է փոխարինել «ընդդեմի» հարացույցը «հանունի» հարացույցով, միավորել գիտելիքներն ու ողջ ներուժը՝ ձևավորելով ապագայի միասնական տեսլական։

Դեկտեմբերի 3-ին Ստեփանակերտում բացվել է «Ժողովրդավարական համախմբում» կուսակցության Արցախի ներկայացուցչությունը^[4]։ Ներկայացուցչության գործունեությունը միտված է նպաստել հետպատերազմյան հետևանքների հաղթահարմանը, հայկական երկու պետությունների կայացմանը և պետականության ամրապնդմանը։

2022[խմբագրել | խմբագրել կոդը]

«Ժողովրդավարկան համախմբում» կուսակցությունն ուսումնասիրել է Ադրբեջանի հայատյաց պետական քաղաքականությունը, մասնավորապես ընդգծված հակահայկական քարոզչության առկայությունը ադրբեջանական դասագրքերում։ «Հայատյացության քարոզչությունը Ադրբեջանում՝ դպրոցահասակ երեխաների շրջանում» գրքույկում հայերեն և ադրբեջաներեն ամփոփ ներկայացվում են Ադրբեջանի դպրոցներում դասավանդվող 3-9-րդ դասարանների «Ադրբեջաներեն» և «Գրականություն» առարկաների դասագրքերի շրջանակներում մատուցվող այն ստեղծագործությունները, որոնք վերաբերում են հայի կերպարի կերտմանը։ Նշյալ գրքույկը թարգմանվել է ռուսերեն, անգլերեն և ֆրանսերեն լեզուներով։

«Ժողովրդավարական համախմբում» կուսակցությունը 2021 թվականի փետրվարի 19-ին իրականացրեց «Ադրբեջանական հայատյացությունը որպես հայկականության միջազգային սպառնալիք» թեմայով հանրային քննարկում^[5]․ նպատակն էր հայ հանրության լայն շրջանակներին իրազեկել, Հայաստանի և Ադրբեջանի ժողովուրդների միջև ներկայումս հնարավոր բարեկամության և խաղաղ գոյակցության անհնարինության վերաբերյալ։ Բանախոսությամբ հանդես են եկել ոլորտի առաջատար մասնագետները։

Ծանոթագրություններ[խմբագրել | խմբագրել կոդը]

[1] ttps://www.24news.am/news/157402 ԺԴՀ կուսակցության հիմնադրումը

[2] Շառլ Ազնավուրի հրապարակում «Արցախի կորսված կոթողները» ցուցահանդես

[3] Գյումրիում «Արցախի կորսված կոթողները» ցուցահանդես

[4] Արցախում ԺԴՀ կուսակցության ներկայացչության բացումը

[5] Հանրային քննարկում՝ «Ադրբեջանական հայատյացությունը որպես հայկականության միջազգային սպառնալիք» թեմայով

[1]

[2]

[3]

[4]

[5]