Լեո Վուդալ

Վիքիպեդիայից՝ ազատ հանրագիտարանից
Լեո Վուդալ
Ծննդյան թիվ՝սեպտեմբերի 14, 1996(1996-09-14)[1] (27 տարեկան)
Ծննդավայր՝Համմերսմիթ, Համերսմիթ և Ֆուլեմ, Մեծ Լոնդոն, Անգլիա, Միացյալ Թագավորություն
Քաղաքացիություն՝ Միացյալ Թագավորություն
Մասնագիտություն՝դերասան, կինոդերասան և հեռուստատեսային դերասան
IMDb։ID 10695146

Լեո Վինսենթ Վուդալ (անգլ.՝ Leo Vincent Woodall, սեպտեմբերի 14, 1996(1996-09-14)[1], Համմերսմիթ, Համերսմիթ և Ֆուլեմ, Մեծ Լոնդոն, Անգլիա, Միացյալ Թագավորություն), անգլիացի դերասան։ Առավել հայտնի է HBO հեռուստաալիքի «Սպիտակ լոտուս» (2022) և Նեթֆլիքսի «Մեկ օր» (2023) հեռուստասերիալներում կատարած դերերով։

Վաղ կյանք[խմբագրել | խմբագրել կոդը]

Ծնվել է Արևմտյան Լոնդոնի Համերսմիթ քաղաքում[2]։ Սերում է դերասանների ընտանիքից, ներառյալ հայրը՝ Էնդրյուն, կնքահայրը և տատիկը։ Ծնողները ծանոթացել են դրամատիկ դպրոցում։ Նա նաև նշել է, որ հանդիսանում է Մաքսին Էլիոթի ժառանգը[3]։ Վուդալն ի սկզբանե որոշել էր զբաղվել սպորտով և միայն 19 տարեկան հասակում՝ «Սուր հովարներ» հեռուստասերիալը դիտելուց հետո որոշել է զբաղվել դերասանական արվեստով։ 2019 թվականին ստացել է արվեստների բակալավրի կոչում կատարողական արվեստների ոլորտում[4][5]։

Կարիերա[խմբագրել | խմբագրել կոդը]

ArtsEd դպրոցն ավարտելուց հետո կատարել է իր հեռուստատեսային առաջնաելույթը՝ 2019 թվականին նկարահանվելով հյուր դերով BBC One հեռուստաալիքի «Հոլբի սիթի» բժշկական օճառային օպերայում։ Նաև հայտնվել է «Տղան մահացավ» կարճամետրաժ ֆիլմում։ Նույն ամռանը նա ընտրվել է որպես դերասանական կազմի անդամ «Թափառականը» ֆիլմում, նրա հայտն ընտրվել է մոտ 28.000 դիմումների շարքից[6]։ Նկարահանումները անցկացվում են մոտ 20 երկրներում[7]։

Միաժամանակ կատարել է նաև իր ֆիլմային առաջնաելությը «Չերրի» ֆիլմում, որի ռեժիսորը Ռուսո եղբայրներն են[8]։ Կատարել է Ադրիան Իվաշկովի դերը Peacock հեռուստաալիքի «Վամպիրների ակադեմիա» հեռուստասերիալում։ Միացել է HBO հեռուստաալիքի անտոլոգիական «Սպիտակ լոտոս» հեռուստասերիալի Սիցիլիայում նկարահանվող երկրորդ եթերաշրջանի դերասանական կազմին, որտեղ կատարել է հորեղբայր Քուենտինի (Թոմ Հոլանդեր) հետ Էսսեքսից ժամանած երիտասարդ տուրիստ Ջեքի դերը[9][10]։ Դերին նմանվելու և ակցենտ ձեռք բերելու համար դիտել է հեռուստատեսային աստղ Ջո Էսսեքսի տեսանյութերը[2][11]։

Ամբիկա Մոդի հետ ընտրվել է նեթֆլիքսով հեռարձակվող Դեյվիդ Նիկոլի «Մեկ օր» հեռուստասերիալում Դեքսթեր Մեյհյուի դերակատարման համար[12]։ Նաև պարբերաբար հայտնվող դեր է ստացել Amazon Prime-ի «Միջնաբերդ» հեռուստասերիալում[13]։

Ֆիլմագրություն[խմբագրել | խմբագրել կոդը]

Ֆիլմ[խմբագրել | խմբագրել կոդը]

Տարի Անվանում Դեր Նշում
2019 Տղան մահացավ Լեյ Կարճամետրաժ
2021 Չերրի Ռոջերս
Անհայտ Թափառականը Բեն

Հեռուստատեսություն[խմբագրել | խմբագրել կոդը]

Տարի Անվանում Դեր Նշում
2019 Հոլբի սիթի Jake Reader Էպիզոդ՝ «Մայրիկիս ասածներ»
2022 Վամպիրների ակադեմիա Ադրիան Իվաշկով 2 էպիզոդ
Սպիտակ լոտուս Ջեք Հիմնական դեր (2 եթերաշրջան)
Անհայտ Մեկ օր Դեքսթեր Մեյհյու Հիմնական դեր
Միջնաբերդ

Ծանոթագրություններ[խմբագրել | խմբագրել կոդը]

  1. ↑ 1,0 1,1 Lundy D. R. The Peerage
  2. ↑ 2,0 2,1 Pym, Olivia (2022 թ․ նոյեմբերի 21). «Leo Woodall watched Joey Essex before playing Jack on The White Lotus». GQ. Վերցված է 2022 թ․ նոյեմբերի 22-ին.
  3. ↑ Twersky, Carolyn (2022 թ․ նոյեմբերի 28). «Make Some Room for The White Lotus's Leo Woodall». W Magazine. Վերցված է 2022 թ․ նոյեմբերի 29-ին.
  4. ↑ «Leo Woodall». ArtsEd (անգլերեն). Արխիվացված է օրիգինալից 2021 թ․ մայիսի 23-ին. Վերցված է 2021 թ․ մայիսի 22-ին.
  5. ↑ Thorpe, Vanessa (2019 թ․ հունվարի 12). «What's their beef? Why today's leading men are driven to be buff». The Guardian. Վերցված է 2022 թ․ նոյեմբերի 22-ին.
  6. ↑ «Sheena Chohan to feature in a Hollywood film». The Daily Star (անգլերեն). 2019 թ․ հուլիսի 14. Վերցված է 2021 թ․ մայիսի 22-ին.
  7. ↑ Lussier, Germain (2019 թ․ հուլիսի 3). «A New Sci-Fi Movie Had 2 Minutes to Capture a Solar Eclipse, Here's What Happened». io9 (ամերիկյան անգլերեն). Վերցված է 2021 թ․ մայիսի 22-ին.
  8. ↑ Mantle, Connor (2021 թ․ հունվարի 17). «Tom Holland Stars As Army Medic In New Movie 'Cherry' | Film News». Conversations About Her (ամերիկյան անգլերեն). Վերցված է 2021 թ․ մայիսի 22-ին.
  9. ↑ Otterson, Joe (2022 թ․ փետրվարի 10). «'White Lotus' Season 2 Casts Theo James, Meghann Fahy, Will Sharpe, Leo Woodall». Variety. Վերցված է 2022 թ․ փետրվարի 10-ին.
  10. ↑ Seitz, Loree (2022 թ․ նոյեմբերի 20). «'The White Lotus' Star Leo Woodall on Jack and Portia's Flirty Fling: 'He's the Polar Opposite to Albie'». The Wrap. Վերցված է 2022 թ․ նոյեմբերի 22-ին.
  11. ↑ Martin, Laura (2022 թ․ նոյեմբերի 21). «'The White Lotus' Meets 'Love Island': How the Essex Lad Infiltrated Prestige TV». Esquire. Վերցված է 2022 թ․ նոյեմբերի 22-ին.
  12. ↑ Whittock, Jesse (2022 թ․ հունիսի 23). «'The White Lotus' Actor Leo Woodall & 'This Is Going To Hurt' Breakout Ambika Mod To Lead Netflix Drama 'One Day'». Deadline. Վերցված է 2022 թ․ հունիսի 23-ին.
  13. ↑ Petski, Denise (2021 թ․ մարտի 31). «'Citadel': Osy Ikhile & 'Midnight Sky's' Caoilinn Springall Join Amazon's Russo Brothers Global Event Series; 7 Set To Recur». Deadline (ամերիկյան անգլերեն). Վերցված է 2021 թ․ մայիսի 22-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Լեո Վուդալ» հոդվածին։
 ⛭ 
  Ֆոտո, վիդեո և աուդիո
Թեմատիկ կայքեր
Ստացված է «https://hy.wikipedia.org/w/index.php?title=Լեո_Վուդալ&oldid=9922976» էջից