Հայ կանանց միջազգային միավորում
Հայ կանանց միջազգային միավորում | |
---|---|
Տեսակ | կազմակերպություն |
Երկիր | ԱՄՆ |
Հիմնադրված | 1991 |
Գլխադասային գրասենյակ | Բոստոն, ԱՄՆ |
«Հայ կանանց միջազգային միավորում» (AIWA), հայ կանանց ոչ քաղաքական միություն, որը հիմնվել է 1991 թվականին, ԱՄՆ-ում (Բոստոն)։ Միավորման առաքելությունն է համախմբել աշխարհի տարբեր երկրների հայ կանանց, նպաստել նրանց իրավունքների պաշտպանությանը, ձեռնարկատիրական ոլորտում նրանց ներգրավմանը, Հայաստան-սփյուռք կապերի զարգացմանը։
Պատմություն[խմբագրել | խմբագրել կոդը]
«Հայ կանանց միջազգային միավորումը» հիմնվել է ԱՄՆ-ի Բոստոն քաղաքում, 1991 թվականին՝ Եվա Մեձորյանի, Բարբարա Մերգուերյանի և Օլգա Պրուդյանի կողմից[1]։ Այն շահույթ չհետապնդող կազմակերպություն է։ Միավորումն իրականացնում է առողջապահությանը, կրթությանը, գիտությանը, մշակույթին, բնապահպանությանը նվիրված մի շարք ծրագրեր, այն դրամաշնորհներ է տրամադրում հայազգի ուսանողուհիներին՝ կանանց իրավունքների պաշտպանության առողջապահության, հումանիտար գիտությունների, մաթեմտիկայի, ճարտարապետության, ճարտարագիտության, տեղեկատվական տեխնոլոգիաների ոլորտներում։
«Հայ կանանց միջազգային միավորումը» գրասենյակներ ունի ՀՀ-ում, ԼՂՀ-ում, Մոսկվայում, Սանկտ Պետերբուրգում, Լիբանանում, Մեծ Բրիտանիայում, Արգենտինայում, Սան Ֆրանցիսկոյում, Լոս Անջելեսում։ Կազմակերպությունը նաև անցկացնում է համահայկական համաժողովներ[2]։
Ծանոթագրություններ[խմբագրել | խմբագրել կոդը]
- ↑ THE ONLY INTERNATIONAL ORGANIZATION DEDICATED TO THE ADVANCEMENT OF ARMENIAN WOMEN REGARDLESS OF THEIR POLITICAL, RELIGIOUS OR EDUCATIONAL AFFILIATION.
- ↑ Հրանուշ Հակոբյանի «Հայկական Սփյուռքը հարափոփոխ աշխարհում». Երևան: «Տիգրան Մեծ»,. 2017.
{{cite book}}
: CS1 սպաս․ հավելյալ կետադրություն (link)