Հյուսիսային Ուոլշեմ
| Բնակավայր | ||
|---|---|---|
| Հյուսիսային Ուոլշեմ | ||
 | ||
| Երկիր | .svg){kind=small} Միացյալ Թագավորություն | |
| Մակերես | 17,27 կմ² | |
| Բնակչություն | 12 634 մարդ (2011) | |
| Ժամային գոտի | UTC+0 | |
| Հեռախոսային կոդ | 01692 | |
| Փոստային դասիչ | NR28 | |
| Պաշտոնական կայք | northwalsham-town.co.uk | |
| ||
Հյուսիսային Ուոլշեմ (անգլ.՝ North Walsham), շուկայական քաղաք է և քաղաքացիական ծխական համայնք Անգլիայի Նորֆոլք քաղաքում, Հյուսիսային Նորֆոլկ թաղամասում։ Վերաբերում է հյուսիսային Նորֆոլկի ոչ մետրոպոլիտենի շրջանին։ 2016 թվականին քաղաքում բնակվում էր 12457 մարդ։
Աշխարհագրական դիրքը[խմբագրել | խմբագրել կոդը]
Հյուսիսային Ուոլշեմը գտնվում է Կրոմերի և Շերինգհեմի միջև երկաթուղային գծի վրա։ Նրա միջով անցնում են B1150-ը Նորվիչից և A149-ը։ Քաղաքը գտնվում է Կրոմերից 12 կմ և Հյուսիսային ծովի ափից 8 կմ հեռավորության վրա։
Պատմություն[խմբագրել | խմբագրել կոդը]
Հյուսիսային Ուոլշեմը անգլո-սաքսոնական բնակավայր էր։ Դատաստանի օրվա գրքում Ուոլշը հիշատակվում է 1080 թվականին։ Բնակավայրը գրավվել է նորվեգացիների և դանիացիների արշավանքների ժամանակ, իսկ Կանուդ թագավորի օրոք Սկիոտր (Սկետ) անունով նորմանդը Վալշամ գյուղը եկեղեցու և կալվածքների հետ միասին տվել է Սուրբ Բենետի աբբայությունը Ս. Բլուր, Հորնինգի մոտ։ 12-րդ և 14-րդ դարերում քաղաքը, մոտակա Վորսթեդ գյուղի հետ միասին, բարգավաճում էին Ֆլանդրիայի ջուլհակների շնորհիվ։ Դրանք դարձան այն ժամանակվա տեքստիլ արդյունաբերության կենտրոնները։ Այս տեղանքները տվել են իրենց արտադրած տեքստիլի տեսակների անունները. «Ուելշամ»-ը թեթև գործվածք է ամառային հագուստի համար, իսկ «Վորսթեդ»-ը ավելի ծանր գործվածք է[1]։
1381 թվականին Հյուսիսային Ուոլշեմի ճակատամարտում գյուղացիական ապստամբության ժամանակ գյուղացիությունը պարտություն կրեց[1]։
14-րդ դարում Հյուսիսային Ուոլշամը բրդի և տեքստիլ արդյունաբերության կենտրոնն էր, ինչը հանգեցրեց քաղաքի տնտեսական բարգավաճմանը և եկեղեցիների կառուցմանը։ Հյուսիսային Ուոլշեմի Սուրբ Նիկոլաս եկեղեցին ի սկզբանե նվիրված է եղել Մարիամ Աստվածածնին։ Այն Անգլիայի ամենամեծ ծխական եկեղեցիներից էր։ Տասնութերորդ դարի սկզբին եկեղեցուն ավելացվել է Թոմաս Քենթերբերիի աշտարակը, որն ամենաբարձրն է տարածքում։ Այն փլուզվել է 1724 թվականին։ Քանդված աշտարակը բարձրանում է քաղաքի կենտրոնում և հանդիսանում է տարածքի հայտնի տեսարժան վայր[1][2]։
1600 թվականի հունիսի 25-ին Հյուսիսային Ուոլշեմում մեծ հրդեհ է տեղի ունեցել։ Շուկայի հետ ավերվել են հարյուր տասնութ տուն, յոթանասուն խանութ և շատ այլ շինություններ։ Եկեղեցին խուսափեց մեծ վնասներից, և նա ապաստան տվեց քաղաքաբնակներին, մինչ քաղաքը վերակառուցվում էր[1][3]։
Բնակչություն[խմբագրել | խմբագրել կոդը]
2016 թվականին քաղաքի բնակչությունը կազմում էր 12457 մարդ։ Նրանցից 47.9%-ը տղամարդիկ են, 52.1%-ը՝ կանայք։ Տարիքային բաշխվածությունը հետևյալն է՝ 18,2% մինչև 18 տարեկան, 52,7% 18-ից 64 տարեկան, 29,1% 65 տարեկանից բարձր։ Քաղաքի բնակչության 98,5%-ը սպիտակամորթ էր, 0,7%-ը՝ ասիացի։
| 1801 | 1811 | 1821 | 1831 | 1841 | 1851 | 1881 | 1891 | 1901 | 1911 | 1921 | 1931 | 1939 | 1951 | 1961 | 2001 | 2011 | 2016 |
|---|---|---|---|---|---|---|---|---|---|---|---|---|---|---|---|---|---|
| 1959 | 2035 | 2303 | 2615 | 2655 | 2911 | 3234 | 3612 | 3981 | 4254 | 4155 | 4137 | 5177 | 4733 | 5014 | 11845 | 12463 | 12457 |
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 «North Walsham's early history». North Walsham Guide. Վերցված է 2017 թ․ նոյեմբերի 8-ին.
- ↑ «An Introduction to North Walsham». Tour Norfolk. Վերցված է 2017 թ․ նոյեմբերի 8-ին.
- ↑ «North Walsham - Its origin and place in history». North Walsham. Վերցված է 2017 թ․ նոյեմբերի 8-ին.
- ↑ «North Walsham». University of Portsmouth. Վերցված է 2017 թ․ նոյեմբերի 8-ին.
- ↑ «Population of the East of England». City Population. Վերցված է 2017 թ․ նոյեմբերի 8-ին.
 | Վիքիպահեստն ունի նյութեր, որոնք վերաբերում են «Հյուսիսային Ուոլշեմ» հոդվածին։ |
| ||||||||||
