Մարկ Քարնի

	Մարկ Քարնի
Կրթություն՝	Հարվարդի քոլեջ, Սուրբ Պետրոսի քոլեջ, Nuffield College?, Հարվարդի համալսարան և St. Francis Xavier High School?
Գիտական աստիճան՝	փիլիսոփայության դոկտոր
Մասնագիտություն՝	տնտեսագետ, բանկիր, ձեռնարկատեր և քաղաքական գործիչ
Ծննդյան օր	մարտի 16, 1965 (59 տարեկան)
Ծննդավայր	Ֆորթ Սմիթ, Region 5, Northwest Territories, Հյուսիսարևմտյան տարածքներ, Կանադա
Քաղաքացիություն	Կանադա, Իռլանդիա և Միացյալ Թագավորություն
Ամուսին	Diana Fox?
Ինքնագիր
Պարգևներ
Mark Carney

Մարկ Քարնի (անգլ.՝ Mark Carney, մարտի 16, 1965(1965-03-16)^[2]^[3]^[4], Ֆորթ Սմիթ, Region 5, Northwest Territories, Հյուսիսարևմտյան տարածքներ, Կանադա), կանադացի և բրիտանացի տնտեսագետ և բանկիր։ 2008-2013 թվականներին ղեկավարել է Կանադայի Բանկը։ 2013-2020 թվականներին եղել է Անգլիայի Բանկի կառավարիչը։

Կենսագրություն[խմբագրել | խմբագրել կոդը]

Ծնվել է 1965 թվականի մարտի 16-ին Կանադայի հյուսիս-արևմուտքում գտնվող Ֆորտ Սմիթ քաղաքում։ 1988 թվականին ավարտել է Հարվարդի համալսարանը մասնագիտացել տնտեսագիտության բնագավառում։ 1993 թվականին ստացել է տնտեսագիտության Մագիստրոսի կոչում (MPhil) Սենթ Փիթեր քոլեջում (Օքսֆորդի համալսարան) և դոկտորի կոչում (DPhil) 1995 թվականին նույն համալսարանի Նաֆիլդի քոլեջում, որտեղ պաշտպանել է իր թեզը «Մրցակցության դինամիկ առավելությունները» թեմայով։

Նա 13 տարի աշխատել է Goldman Sachs ընկերության Լոնդոնի, Նյու Յորքի, Տորոնտոյի և Տոկիոյի մասնաճյուղերում՝ զբաղվելով սուվերեն ռիսկերի, զարգացող տնտեսությունների փոխառու կապիտալի շուկաների և ներդրումային բանկային գործունեության վրա։

2003-2004 թվականներին աշխատել է Կանադայի Բանկում՝ որպես միջազգային հարցերով փոխկառավարիչ։ 2004 թվականի նոյեմբերից մինչև 2007 թվականի հոկտեմբերը աշխատել է Կանադայի ֆինանսների դեպարտամենտում։

2008 թվականի փետրվարից Կանադայի Բանկի կառավարիչն է եղել։ 2010 թվականին Քարնին G7 երկրների Կենտրոնական բանկի միակ ղեկավարն էր, ով որոշեց բարձրացնել վերաֆինանսավորման տոկոսադրույքը։

2011-2018 թվականներին եղել է Ֆինանսական կայունության խորհրդի նախագահ՝ այս աշխատանքը համատեղելով կենտրոնական բանկերում իր աշխատանքի հետ։ «Երեսուն խմբի» անդամ է։

2013 թվականի հուլիսի 21-ին նշանակվել է Անգլիայի Բանկի կառավարիչ՝ դառնալով ամենաերիտասարդ նախագահը նրա պատմության մեջ։ Պայմանագիրը նախատեսված էր 5 տարվա համար՝ տարեկան 624 000 ֆունտ ստերլինգ աշխատավարձով։ 2018 թվականին Կարնիի պայմանագիրը երկարաձգվել է մինչև 2020 թվականի հունվար։

2018 թվականի նոյեմբերին Մարկը ստացել է բրիտանական քաղաքացիություն^[5], բացի արդեն ունեցած իռլանդական և կանադականից։

Ամերիկյան Ջեքսոն Հոլ քաղաքում ԱՄՆ ԴՊՀ-ի 2019-ի տարեկան համաժողովում տարբեր երկրների Կենտրոնական բանկերի ղեկավարների և ԴՊՀ-ի ստորաբաժանումների ղեկավարների հետ հանդիպման ժամանակ Մարկ Քարնին առաջարկել է դոլարը որպես համաշխարհային պահուստային արժույթ փոխարինել նոր թվային արժույթով^[6]։ Նրա կարծիքով՝ բազմաբևեռ աշխարհին անհրաժեշտ է նաև բազմաբևեռ արժույթ։ Նոր թվային արժույթը, որը հիմնված է ապրանքների համաշխարհային զամբյուղի վրա, կհավասարակշռի համաշխարհային տնտեսությունը։ «Հարցն այն է, թե ինչպես հասնել դրան,– ասել է նա CNBC բիզնես լրատվական հեռուստաալիքին տված հարցազրույցում:– Դուք մի գիշերվա ընթացքում չեք հասնում ինչ-որ նոր բանի»։ Քարնին ասում է, որ առևտրային պատերազմները վատթարացնում են բիզնես վարելու պայմաններն ամբողջ աշխարհում^[7]։

Ծանոթագրություններ[խմբագրել | խմբագրել կոդը]

↑ ^1,0 ^1,1 http://www.nuffield.ox.ac.uk/the-college/about-the-college/
↑ ^2,0 ^2,1 Kellner P. Encyclopædia Britannica
↑ ^3,0 ^3,1 Munzinger Personen (գերմ.)
↑ ^4,0 ^4,1 Դավոս 2014 մասնակիցների ցանկ
↑ Fergal O'Brien (2018 թ․ նոյեմբերի 22). «BOE Governor Carney Fulfills Promise by Becoming U.K. Citizen». Bloomberg. Bloomberg. Արխիվացված օրիգինալից 2019 թ․ հուլիսի 31-ին. Վերցված է 2019 թ․ հուլիսի 31-ին.
↑ «Глава ЦБ Англии предложил заменить доллар новой резервной валютой». РБК (ռուսերեն). 2019 թ․ օգոստոսի 23. Արխիվացված օրիգինալից 2019 թ․ օգոստոսի 23-ին. Վերցված է 2019 թ․ օգոստոսի 23-ին.
↑ Al Lewis (2019 թ․ օգոստոսի 23). «Bank of England Governor Mark Carney proposes new currency, and says trade war is dampening business confidence» (անգլերեն). CNBC. Արխիվացված օրիգինալից 2019 թ․ օգոստոսի 24-ին. Վերցված է 2019 թ․ օգոստոսի 24-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Մարկ Քարնի» հոդվածին։

[_68a9dde5ccad9653-1] 1,0 ^1,1 http://www.nuffield.ox.ac.uk/the-college/about-the-college/

[_460844e032156d01-2] 2,0 ^2,1 Kellner P. Encyclopædia Britannica

[_b4a19d8ba8afaa47-3] 3,0 ^3,1 Munzinger Personen (գերմ.)

[_2879fe3c28b6fea0-4] 4,0 ^4,1 Դավոս 2014 մասնակիցների ցանկ

[5] Fergal O'Brien (2018 թ․ նոյեմբերի 22). «BOE Governor Carney Fulfills Promise by Becoming U.K. Citizen». Bloomberg. Bloomberg. Արխիվացված օրիգինալից 2019 թ․ հուլիսի 31-ին. Վերցված է 2019 թ․ հուլիսի 31-ին.

[6] «Глава ЦБ Англии предложил заменить доллар новой резервной валютой». РБК (ռուսերեն). 2019 թ․ օգոստոսի 23. Արխիվացված օրիգինալից 2019 թ․ օգոստոսի 23-ին. Վերցված է 2019 թ․ օգոստոսի 23-ին.

[7] Al Lewis (2019 թ․ օգոստոսի 23). «Bank of England Governor Mark Carney proposes new currency, and says trade war is dampening business confidence» (անգլերեն). CNBC. Արխիվացված օրիգինալից 2019 թ․ օգոստոսի 24-ին. Վերցված է 2019 թ․ օգոստոսի 24-ին.

[1]

[2]

[3]

[4]

[5]

[6]

[7]