Մոշաթաղ (համայնք, Քաշաթաղի շրջան)
Անվան այլ կիրառումների համար տե՛ս՝ Մոշաթաղ (այլ կիրառումներ)
 | |
|---|---|
| Երկիր |  Արցախի Հանրապետություն |
| Կարգավիճակ | Համայնք |
| Մտնում է | Քաշաթաղի շրջան |
| Ներառում է | Մոշաթաղ գյուղ, Հերիկ գյուղ, Բերդիկ գյուղ, |
| Վարչկենտրոն | Մոշաթաղ գյուղ |
| Հիմնական լեզու | Հայերեն |
| Բնակչություն (2015) | 286 |
| Տարածք | 8834,1 հա |
| Ժամային գոտի | +4 |
Մոշաթաղ, համայնք Արցախի Հանրապետության Քաշաթաղի շրջանում[2][3]։ Ներկայում համայնքի ամբողջ տարածքը գտնվում է Ադրբեջանի զինված ուժերի վերահսկողության ներքո[4][5][6][7] և Արցախի Հանրապետության կողմից համարվում է օկուպացված[1]։
Աշխարհագրություն[խմբագրել | խմբագրել կոդը]
Համայնքը տեղաբաշխված է Արցախի Հանրապետության արևմտյան մասում։ Ունի բարձրլեռնային տեղանք։ Համայնքի տարածքն 8834,1 հա է, որից 5639,7 հա-ն անտառային հողեր են։ Համայնքի սահմաններով է հոսում Աղավնո գետը[2]։
Բերձոր շրջկենտրոնից հեռու է 36 կմ, իսկ մայրաքաղաք Ստեփանակերտից` 86 կմ[2]։
Վարչատարածքային բաժանում և համայնքային կյանք[խմբագրել | խմբագրել կոդը]
Համաձայն Արցախի Հանրապետության վարչատարածքային բաժանման՝ Մոշաթաղ համայնքն իր մեջ ներառում է Մոշաթաղ, Միրիկ և Բերդիկ գյուղերը[2]։
Համայնքում գործում էր գյուղապետարան, բուժկետ, միջնակարգ և հիմնական դպրոցներ[2]։
Համայնքն ապահովված էր էլեկտրաէներգիայով, հասանելի էին բջջային, ինտերնետ կապի միջոցներն ու ռադիոհեռուստատեսությամբ[2]։
Գործում էր ինքնահոս ջրամատակարարման համակարգ, որը սնվում էր տարբեր ակունքից։ Առկա են նաև խմելու ջրի համար պիտանի բազմաթիվ բնական աղբյուրներ-առվակներ[2]։
2015 թվականի դրությամբ համայնքային ճանապարհները բնահողային էին[2]։
Համայնքը միացված էր հանրապետության տրանսպորտային կապին, մասնավորապես՝ Լեռնահովիտ-Բերձոր-Լեռնահովիտ երթուղուն[2]։
Բնակչություն[խմբագրել | խմբագրել կոդը]
Մոշաթաղ համայնքի բնակչությունը 2015 թվականի դրությամբ կազմել է 286 մարդ, որոնք կազմել են 69 տուն։ Նույն թվականի դրությամբ Մոշաթաղ գյուղում բնակվել է 211 մարդ, որոնք կազմել են 50 տուն։ Միրիկ գյուղում բնակվել է 50 մարդ, որոնք կազմել են 11 տուն։ Բերդիկ գյուղում բնակվել է 25 մարդ, որոնք կազմել են 8 տուն[2]։
Կրթություն[խմբագրել | խմբագրել կոդը]
Մոշաթաղ համայնքում գործում էր 2 դպրոց։ 2015 թվականի դրությամբ Մոշաթաղ գյուղի միջնակարգ դպրոցում սովորում էր 51 աշակերտ, իսկ Հերիկ գյուղի հիմնական դպրոցում՝ 17 աշակերտ[2]։
Տնտեսություն[խմբագրել | խմբագրել կոդը]
Համայնքի բնակչությունը հիմնականում զբաղվել է գյուղատնտեսությամբ՝ հողագործությամբ և անասնապահությամբ։ Համայնքի տարածքի 2999,4 հա-ը գյուղատնտեսական նշանակության են[2]։
Ծանոթագրություններ[խմբագրել | խմբագրել կոդը]
- ↑ 1,0 1,1 Արցախի տարածքները համարվում են օկուպացված Ադրբեջանի կողմից. ԱՀ ԱԺ հայտարարությունը, (արխիվացված 05․04․2021թ․)
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 Հակոբ Ղահրամանյան, Տեղեկատու Արցախի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.։
- ↑ «Արցախի Հանրապետության բնակավայրերի ցանկը հանրապետության Ազգային ժողովի կայքում (Արցախի Հանրապետության օրենքը երկրի վարչատարածքային բաժանման մասին, 25 մարտի 2005 թ., ք.Ստեփանակերտ, ՀՕ-178, ստորագրված նախագահ Ա․Ղուկասյանի կողմից)։». Արխիվացված է օրիգինալից 2016 թ․ մարտի 4-ին. Վերցված է 2021 թ․ մարտի 14-ին.
- ↑ Արցախի Հանրապետության այն բնակավայրերի ցանկը, որոնք գտնվում են Ադրբեջանի զինված ուժերի վերահսկողության ներքո /հրապարակված Արցախի Հանրապետության Տարածքային կառավարման և ենթակառուցվածքների նախարարության կողմից/, (արխիվացված 05․03․2021թ․)։
- ↑ «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը»։
- ↑ «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը», (արխիվացված)։
- ↑ «Ադրբեջանի վերահսկողության տակ անցած՝ Արցախի համայնքների և բնակավայրերի ցանկը»։