Պարույր Սևակի անվան թիվ 123 հիմնական դպրոց

Պարույր Սևակի անվան թիվ 123 հիմնական դպրոց;
Տեսակ	դպրոց
Հիմնադրված է	1961
Անվանված է	Պարույր Սևակ
Երկիր	Հայաստան
Տեղագրություն	Երևան
Հասցե	Երևան, Նոր-Արեշ, 35 փողոց 2

Պարույր Սևակի անվան թիվ 123 հիմնական դպրոց, հանրակրթական դպրոց Երևանի Էրեբունի վարչական շրջանում։

Պատմություն[խմբագրել | խմբագրել կոդը]

Դպրոցը հիմնադրվել է 1961 թվականին Էրեբունի համայնքի Նոր-Արեշ թաղամասում՝ Էրեբունի թանգարանի հարևանությամբ։ Ի սկզբանե գործել է որպես թիվ 123 ութամյա դպրոց և ունեցել է մեկ քարաշեն մասնաշենք։ 1970 թվականին դպրոցը դարձել է միջնակարգ և կառուցվել է դպրոցի երկրորդ մասնաշենքը։ 1971 թվականին դպրոցն անվանակոչվել է հայ մեծանուն բանաստեղծ Պարույր Սևակի անունով։ 2010 թվականից Պարույր Սևակի անվան թիվ 123 դպրոցը դարձել է հիմնական դպրոց^[1]^[2]։

1978 թվականին դպրոցի պատի խորշում տեղադրվել է Պարույր Սևակի հուշարձանը (քանդակագործ՝ Արա Շիրազ, ճարտարապետ՝ Ջիմ Թորոսյան)։

Ծրագրային համագործակցություններ[խմբագրել | խմբագրել կոդը]

Դպրոցն իր գործունեության ընթացքում իրականացրել է տարբեր ծրագրեր՝

Լոս-Անջելեսի «Կարկաչ» մանակապատանեկան հեռուստածրագիր
«ԱՄՔՈՐ-ի 400 աշակերտների համար կազմակերպված «Սնունդ» և «Այգեգործություն» ծրագրեր
«Դպրոցական առողջապահություն» ծրագիր
«Հավասարը հավասարին մեթոդով ուսուցում երիտասարդների շրջանում» ծրագիր
«ՁԻԱՀ-ի կանխարգելում, կրթություն և խնամք» ծրագիր
«Միավորվենք հանուն երեխաների և փրկենք ապագան» ծրագիր