Ռիգայի ավտոմոբիլային թանգարան

Ռիգայի ավտոմոբիլային թանգարան
Տեսակ	թանգարան և ավտոմոբիլային թանգարան
Երկիր	Լատվիա
Տեղագրություն	Ռիգա
Հասցե	Sergeja Eizenšteina iela 8, Rīga, LV-1079
Հիմնադրվել է	1989
Մակերես	3278 քառակուսի մետր, 9700 քառակուսի մետր
Տնօրեն	Aivars Aksenoks?
Հավաքածուի չափս	1755
Կայք	motormuzejs.lv

Ռիգայի ավտոմոբիլային թանգարան (լատիշ․՝ Rīgas motormuzejs), ավտոմոբիլային թանգարան Ռիգայում, որի ցուցադրություններում ընդգրկված են ավելի քան 230 մեքենա, մոտոցիկլետներ և մոպեդներ 19-րդ դարի վերջից մինչև 20-րդ դարի վերջը։ Ավտոմոբիլային թանգարանում ներկայացված են սպորտային և ռազմական տրանսպորտային միջոցներ, լատվիական մեքենաներ, լիմուզիններ և 30-ական թվականների մեքենաներ (այդ թվում՝ Մոլոտովի մեքենան, Բրեժնևի լիմուզինը)։

Թանգարանի պատմություն

Թանգարանի պատմությունը սկսվում է 1972 թվականի հուլիսի 21-ին ԽՍՀՄ-ում մի քանի ակտիվիստների նախաձեռնությամբ հիմնադրված Լատվիայի Հին մեքենաների ակումբի ստեղծմամբ։ Հին մեքենաների ակումբն իրեն ներկայացնում էր հնագույն ավտոմեքենաների և մոտոցիկլետների վերականգնմամբ զբաղվող հասարակական կազմակերպություն։ Նրա նպատակն էր ավտոմեքենաների և մոտոտեխնիկայի պատմության տարածումը, հին տրանսպորտային միջոցների նվիրյալների և հավաքորդների միավորումը, ռետրո մեքենաների ձեռք բերումը և պատշաճ տեսքի բերումը։

Թեմատիկ թանգարան ստեղծելու ակումբի անդամների երազանքը դարձավ իրական 1985 թվականին, երբ 1985 թվականի դեկտեմբերի 4-ին Լատվիայի ԽՍՀ Նախարարների խորհրդի թիվ 586 որոշմամբ բացվեց Տեխնիկական ստեղծագործության, ցուցահանդեսների և հանգստի Մեժցիեմս կենտրոնը։ 1986 թվականի հունիսի 6-ին առաջին քարը տեղադրվեց թանգարանի շենքի հիմքում, որը նախագծվել էր լատվիացի ճարտարապետ Վիկտոր Վալգումի կողմից։ Լատվիայի ԽՍՀ ավտոմոբիլային տրանսպորտի և ավտոմոբիլային ճանապարհների նախարարության 1987 թվականի հուլիսի 21-ի թիվ 287 որոշմամբ Հին մեքենաների ակումբը հին մեքենաների հավաքածուն փոխանցել է հաշվառման «Մեժցիեմս» կենտրոնում։

Ռիգայի ավտոմոբիլային թանգարանի պաշտոնական բացումը հանդիսանում է 1989 թվականի ապրիլի 22-ը։ 1992 թվականի հուլիսի 1-ից Ռիգայի ավտոմոբիլային թանգարանը ստացել է Լատվիայի Հանրապետության տրանսպորտի նախարարությանը կից պետական թանգարանի կարգավիճակ (1992 թվականի նոյեմբերի 6-ի դրույթ)։

2016 թվականի հուլիսի 2-ին Ռիգայի ավտոմոբիլային թանգարանը վերաբացվել է վերակառուցման աշխատանքներից հետո, որը տևել է երեք ու կես տարի և զգալիորեն փոխել է թանգարանի ներքին տեսքը։

Թանգարանում ամենահայտնի ցուցանմուշներից մեկը 1938 թվականի C/D տիպի Auto Union մրցաշարային մեքենայի կրկնօրինակն է։ Իսկական մեքենան մասնատումից փրկել է Լատվիայի Հին մեքենաների ակումբի նախագահ Վիկտորս Կուլբերգը, սակայն այնուհետև 1995 թվականին Audi AG -ի հետ բանակցությունների արդյունքում փոխանակվել է Crostwaite & Gardiner և Roach Manufacturing -ի կրկնօրինակի հետ։ 1938 թվականի բնօրինակ մեքենայով այժմ կարելի է հիանալ Audi ավտոմեքենաների թանգարանում Գերմանիայի Ինգոլշտադտ քաղաքում։

Ցուցադրություններ

• «Պատրաստված է Լատվիայում»,
• «Ավտոմեքենաներ Կրեմլի ավտոտնակներից»,
• «Ռազմական տեխնիկա»,
• «Auto Union կոնցեռնի հավաքածու» և այլն։

Նաև ներկայացված են տարբեր մոտոցիկլետներ (ներառյալ Zundapp -ի և BMW -ի գրեթե ողջ ընտանիքը), Ռիգա մոպեդները, հեծանիվներ, շարժական և արտաքին շարժիչներ և այլն։

Փաստեր

• Թանգարանի տարածքը կազմում է 16 856 մ²։ Շենքի ընդհանուր տարածքը 6,909 մ² է, որից վարձվում է 3 496.7 մ² կամ 50.4%: Ցուցահանդեսային դահլիճը գտնվում է երեք հարկերում, ցուցասրահի ընդհանուր տարածքը կազմում է 3,278 մ²։
• Թանգարանի ֆոնդերը միավորում են 16 927 միավոր ցուցանմուշ։ Պահեստային տարածքը 620.4 մ² է (196.1 մ² թանգարանի շենքի առաջին հարկում, 424.3 մ² Բիկերնիեկի սպորտային բազայից վարձակալված օդակայանում)։ Թանգարանային ֆոնդից բացի առկա է 1470 միավորով հազվագյուտ մասնագիտացված գրականության գրադարան (բոլոր տվյալները բերված են 2005 թվականի հունվարի 1-ի դրությամբ)։
• Թանգարանում գործում է Լատվիայից և եվրոպական այլ երկրներից պատվերներ ընդունելող հին ավտոմեքենաների վերականգնման արհեստանոց։
• Թանգարանում պահպանվում են ցուցանմուշներ, որոնք պահպանվել են մեկ օրինակով, օրինակ, REAF-50:

Պատկերասրահ

• 
  1938 թվականի C/D տիպի Auto Union մրցաշարային մեքենա, կրկնօրինակ
• 
  Ford Köln Y (1933) Ռիգայի ավտոմոբիլային թանգարանում
• 
  Լատվիայում պատրաստված Ford-Vairogs V8 "De Luxe" (1938) Ռիգայի ավտոմոբիլային թանգարան
• 
  Horch 830BL (1935) Ռիգայի ավտոմոբիլային թանգարան
• 
  Harley-Davidson mod. WL (1947) Ռիգայի ավտոմոբիլային թանգարան
• 
  Մոսկվիչ 400-420 Ռիգայի ավտոմոբիլային թանգարան
• 
  Մոսկվիչ 401-424E Ռիգայի ավտոմոբիլային թանգարան
• 
  Packard Super Eight 1502 (1937) Ռիգայի ավտոմոբիլային թանգարան
• 
  Լատվիայում պատրաստված RAF-2907 RAF-2203 "Latvija" հիմքի վրա Ռիգայի ավտոմոբիլային թանգարան
• 
  Hansa G 12/36 Renntorpedo (1914) Ռիգայի ավտոմոբիլային թանգարան
• 
  ZIL-112 Sports (1961) Ռիգայի ավտոմոբիլային թանգարան

Աղբյուրներ

• Թանգարանի պաշտոնական կայք (ռուս.)
• Ռիգայի ավտոմոբիլային թանգարանի կոմյունիկե (ռուս.)

Վիքիպահեստն ունի նյութեր, որոնք վերաբերում են «Ռիգայի ավտոմոբիլային թանգարան» հոդվածին։