Վոյնյան ծնվել է 2007 թվականին Կոնստանցայում[5]։ Նրա մայրը՝ Կամելյա Վոյնյան, նախկին մարմնամարզուհի է, ով մասնակցել է 1988 թվականի ամառային օլիմպիական խաղերին և արծաթե մեդալ նվաճել Ռումինիայի հավաքականի կազմում[6]։ Սաբրինան դեռ երեխա էր, երբ Կամելյան նրան բերեց մարզասրահ, որտեղ ինքն աշխատում էր որպես մարզիչ, և աղջիկն սկսեց հետաքրքրվել մարմնամարզությամբ։ Այդ ժամանակից մինչև օրս Սաբրինային մարզում է հենց իր մայրը[7]։
Վոյնյան Ռումինիայի հավաքականի կազմում մրցումների մասնակցել է 2017 թվականից։ 2022 թվականի ապրիլին հանդես է եկել իտալական Եզոլո առողջարանային քաղաքի գավաթի խաղարկության պատանեկան մրցաշարում՝ <a href="https://en.wikipedia.org/wiki/2022_City_of_Jesolo_Trophy" rel="mw:ExtLink" title="2022 City of Jesolo Trophy" class="cx-link" data-linkid="127">Junior City of Jesolo Trophy</a>-ում և իր արդյունավետ մրցելույթներով նպաստել է, որ Ռումինիայի հավաքականը թիմային պայքարում զբաղեցնի չորրորդ տեղը։ Այդ մրցաշարում նա նաև բրոնզե մեդալ է նվաճել հենացատկի մրցումներում։ Հուլիսին Սաբրինան մասնակցել է Եվրոպական պատանեկան ամառային օլիմպիական փառատոնին և իր ավանդը ներդրել թիմային հաղթանակում։ Օգոստոսին հանդես է եկել Եվրոպայի պատանեկան առաջնությունում և մեծապես նպաստել, որ Ռումինիայի պատանեկան հավաքականը բրոնզե մեդալ նվաճի թիմային պայքարում։ Ընդ որում՝ ինքն անձամբ բազմամարտում զբաղեցրել է չորրորդ տեղը, ոսկե մեդալ նվաճել հենացատկում և բրոնզե մեդալ՝ ազատ վարժություններում[8]։
2023 թվականի ապրիլին Վոյնյան մասնակցեց Եվրոպայի մեծահասակների առաջնությանը և օգնեց Ռումինիայի հավաքականին թիմային պայքարում զբաղեցնելու հինգերորդ տեղը։ Ինքն անձամբ հենացատկի մրցումներում գրավեց չորրորդ տեղը, ինչպես նաև բրոնզե մեդալ նվաճեց ազատ վարժություններում։ Հոկտեմբերին Սաբրինան հանդես եկավ աշխարհի առաջնութունում, ազատ վարժություններում զբաղեցրեց չորրորդ տեղը։
_-_DSC_0530_(cropped).jpg)
Ռումինիա
