Սադրա կամ Շահր Սադրա(պարս.՝ صدرا), քաղաք Իրանի հարավում, Ֆարս օսթանի Շիրազ շահրեստանում։ Բնակչությունը վերջին մարդահամարի տվյալներով կազմում է 91 863 մարդ (2016)։
Գտնվում է Ֆարս օսթանի կենտրոնական մասում` վարչական կենտրոն Շիրազից մոտ մի քանի կիլոմետր հյուսիս, փաստացի հանդիսանում է Շիրազի հյուսիսային արվարձանը։ Նոր քաղաք է, որի պլանավորումը և կառուցումը տեղի է ունեցել 1990-ական թվականներից սկսած։ Քաղաքի կարգավիճակ է ստացել 2009 թվականին[1]։
Ֆարս օսթանի բնակչությամբ վեցերորդ ամենախոշոր քաղաքն է Շիրազից, Մարվդաշտից, Ջահրոմից, Ֆեսայից և Քազերունից հետո[2]։ Բնակչությունը 2016 թվականի մարդահամարի տվյալներով կազմում էր 91 863 մարդ, որոնք կազմում էին 28 741 տնտեսություն[3]։ 2011 թվականի մարդահամարի տվյալներով բնակչությունը կազմում էր 39 979 և 11 419 տնտեսություն[4]։