Սաունայում
Սաունայում | |
---|---|
տեսակ | գեղանկար |
նկարիչ | Ակսելի Գալլեն-Կալլելա[1] |
տարի | 1889[1] |
բարձրություն | 120 սանտիմետր |
լայնություն | 81 սանտիմետր |
ստեղծման վայր | Կեուրուու |
ժանր | կենցաղային ժանր |
նյութ | յուղաներկ և կտավ |
գտնվում է | Ատենեում[1] |
հավաքածու | Ֆիննական ազգային պատկերասրահ[1] |
պատկերված են
| |
կայք | |
Ծանոթագրություններ |
«Սաունայում» (ֆիններեն՝ Saunassa), շվեդախոս ֆինն նկարիչ Ակսելի Գալլեն-Կալլելայի նկարներից։ Այս ստեղծագործությունը հեղինակը վրձնել է 1889 թվականին։ Յուղաներկով կտավի չափերն են 120 × 81 սմ։
Այսօր «Սաունայում» ստեղծագործությունը պահպանվում և ցուցադրվում է Ատենեումում (Հելսինկի, Ֆինլանդիա)։
Նկարագիր[խմբագրել | խմբագրել կոդը]
«Սաունայում» ստեղծագործությունում Ակսելի Գալլեն-Կալլելան պատկերել է Էկոլա ընտանիքին, որոնք լոգանք են ընդունում մթեցրած սաունայում։ Էկոլայի դուստրը լողացնում է նստարանին նստած հորը՝ ներքին հարկում, իսկ մնացած մարդիկ ավելի բարձրում են նստած, իսկ աղջիկը վառում է սաունայի բուխարին։ Հատակի տախտակները և սաունայի ներքին տեսքը վկայում են, որ այն երկար ժամանակ ծառայել է որպես բաղնիք։ Նկարի կենտրոնում պատկերված մերկ աղջիկը խորհրդանշում է սաունայի «համեստ անմեղությունը»։ Ակսելի Գալլեն-Կալլելան ցանկացել է պատկերել ավանդական ֆիննական գյուղական կյանքը, որի մասն է կազմել նաև սաունա այցելելը։ Նկարը համարվում է մշակութային արժեք[2]։
Պատմություն[խմբագրել | խմբագրել կոդը]
Ապրելով Էկոլում, Ակսելի Գալլեն-Կալլելան ամեն երեկո տեղի բնակիչների և իր ընկեր կոմս Լուի Սպարեի հետ այցելել է սաունա։ Սակայն «Սաունայում» ստեղծագործությունը նկարիչը վրձնել է հիշողություններով ու տպավորություններով։ Ակսելին նկարի տեսարանը պատկերել է Էկոլա ընտանիքի սաունայի նեղ ծածկապատշգամբում։ Գալլեն-Կալլելան նկարը նվիրել է Կնութ Թիլգմանին․ ավելի ուշ, 1922 թվականին, Էռնստ Թիլգմանը նկարը փոխանցում է Ատենեումին։ Նկարչին այդ քայլը դուր չի եկել․ որպես բողոք հեղինակը գրում է թանգարանին, որ նկարը կիսատ է և չի ուզում, որ այն ցուցադրվի, սակայն բողոքին ընթացք չեն տալիս[3]։
Ծանոթագրություններ[խմբագրել | խմբագրել կոդը]
Գրականություն[խմբագրել | խմբագրել կոդը]
- Janne Gallen-Kallela-Sirén: Minä palaan jalanjäljilleni – Akseli Gallen-Kallelan elämä ja taide. Otava 2002. s. 104–108.