Վիքիպեդիա:Ադմինիստրատորի իրավունքների դիմումներ/2012/ERJANIK
Այստեղ գտնվում են ավարտված քննարկումներ։ Խնդրում ենք, փոփոխություններ չմտցնել։ Արդյունքը՝
Ցանկանում եմ դառնալ ադմինիստրատոր, որ օգնեմ մեր Վիքիպեդիայի մյուս ադմինիստրատորներին, մասնավորապես անիմաստ հոդվածների ջնջումով և այլն: Մի խոսքով շատ կարող եմ գրել, եթե կոնկրետ հարցեր լինեն սիրով կպատասխանեմ:
Տեղեկություն մասնակցի մասին
Ընդհանուր | ERJANIK (քննարկում • ներդրում • մատյաններ • արգելափակել) |
---|---|
Խմբագրումների քանակը | Ընդհանուր՝ 7692, որոնցից. անմիջապես հոդվածներում՝ 5842 |
Ստեղծած հոդվածների թիվը | ԹԻՎԸ |
Առաջին խմբագրման օրը | Օգոստոսի 15 2011 |
Քվեարկության ժամկետները | Մայիսի 15-Մայիսի 22 |
Մեկնաբանություններ
Ով է կարող քվեարկել
Քվեարկությունում կարող է մասնակցել յուրաքնչյուր գրանցված մասնակիցը, որը թեկնածուի առաջադրման պահին (15.05.2012) համապատասխանում է հետևյալ պահանջներին.
- ավելի քան 100 խմբագրում հոդվածների տարածքում,
- 1 ամիս ստաժ (այսինքն գրանցված մինչև 15.04.2012),
Կողմ
Կողմ կարելի է սա համարել համակրանքի քվե։ --vacio 18:15, 19 Մայիսի 2012 (UTC)[reply]
Շնորհակալություն, իմ համար էլ սա ընդունում եմ որպես վստահության քվե: ERJANIK 11:14, 20 Մայիսի 2012 (UTC)[reply]
Կողմ Երջանիկ, գնահատում եմ քո ակտիվությունը և շիտակությունը: Միայն մի վերապահում ունեմ, իմ քվեն վավեր համարել, եթե ադմինները ընտրվեն որոշակի ժամկետով: SusikMkr (talk) 16:58, 20 Մայիսի 2012 (UTC)[reply]
- Այդ հարցը իմ կարծիքով հասունացել է և կարելի է քննարկել Խորհրդարանում։ --vacio 18:16, 20 Մայիսի 2012 (UTC)[reply]
- Ինչպես արդեն ասել եմ ներքևում, համաձայն եմ ժամկետի հետ կապված, ու շնորհակալ եմ հարգելի SusikMkr: Համաձայն եմ Vacio-ի հետ, Խորհրդարանել է պետք: ERJANIK 19:10, 20 Մայիսի 2012 (UTC)[reply]
Դեմ
Մեզանից յուաքանչյուր ոք պարտավոր է այլ վիքիմասնակիցների հետ շփվելիս լինել հնարավորինս բարյացակամ և խուսափել աննրբանկատության թեկուզ չնչին նշույլ պարունակող արտահայտություններից: Առավել ևս այս որակը պետք է բնորոշ լինի Վիքիի ադմինիստրատորներին: Նրանք պարտավոր են դրսևորեն լրացուցիչ նրբանկատություն ու հանդուրժողականություն: Ցավոք, առ այս պահը Երջանիկին ոչ միշտ է հաջողվել խուսափել որոշ կտրուկ և նույնիսկ այլ մասնակիցների նկատմամբ արհամարհական երանգներ պարունակող արտահայտություններից: Մասնավորապես, խնդրում եմ ուշադրություն դարձնել խորհրդարանի էջում այս քննարկմանը, որտեղ Հովհաննեսի վրդովմունքին (այն արդարացի էր թե ոչ երկրորդական հարց է), որը ուղղված չէր որևէ մասնակցին՝ այսինքն իր մեջ անձնավորման որևէ տարր չէր պարունակում, հետևեցին Երջանիկի խիստ որակումները: Իմ կարծիքով հատկապես անընդունելի են հետևյալ արտահայտությունները. «խնդրում եմ հանգստացիր», ... «տհաճ բառը անտեղի ես օգտագործում», ... «Լավ չէ, որ քո ակտիվություն կամ պասիվությունը կախված է նրանից, թե քո Դաշնակահարը հոդվածին կքվեարկեն թե ոչ»,.... «հիմա էլ անտեղի ես օգտագործում արհամարել բառը», ...«Հովհաննես ջան վերջապես այս իմացիր, որ երկրագունդը կամ թեկուզ Վիքիփեդիայի երկրագունդը չի պտտվում միայն ընտրյալ հոդվածների շուրջը, կամ առավել ևս քո ներկայացրած թեկնածու ընտրյալ հոդվածների շուրջը»: Գնահատում եմ Երջանիկի ներդնումը հայերեն Վիքիի զարգացման գործում, սակայն վերոնշյալ նկատառումից ելնելով ստիպված եմ այնուամենայնիվ Դեմ քվեարկել նրա թեկնածությանը: --Rob (talk) 19:30, 19 Մայիսի 2012 (UTC)[reply]
- Շնորհակալ եմ հարգելի Rob քվեարկությանը մասնակցելու համար (անկախ նրանից թե դեմ կամ կողմ ես քվեարկել): Հարգում եմ կարծիքդ և ի գիտություն ընդունում ասածներդ: Պարզապես մի բան ասեմ Rob ջան, անկախ Վիքիտեսակետներից, իմացիր եղբայր, ես երբեք ոչ ոքի հանդեպ իրականում արհամարանք չեմ տածել, ուր մնաց թե Վիքիպեդիայում դա անեմ: Գուցե Քո մոտ այդպիսի տպավորություն է մնացել, շտապիր փոխել կարծիքդ դեպի իրականությունը, եղբայր, որովհետև ես չեմ արհամարում մարդկանց: Պարզապես Hovhannes մասնակիցը գրեթե անընդհատ գրել է, գրում է, ու երևէ թե կգրի էլ իր հոդվածները ընտրյալ կամ օրվա հոդված դառնալու մասին քննարկումներ, խնդրանքներ, հուզումնալից խոսքեր, հիասթափության բառեր և այլն: Ես պարզապես ուզել եմ (ու ուզում եմ), որ նա մի քիչ դադարեր վերը թվարկած գործերով զբաղվեր: Ինչպես Դու ես ասում, գուցե այս ամենը կարևոր է եղել նրա համար և նա արդարացի է, ու դա երկրորդական հարց չէր, այս դեպքում էլ, զարմանում են, թե ինչու՞ Դու չես քվեարկել նրա Դաշնակահարը հոդվածին (թեկուզ դեմ) կամ խորհուրդներ տվել իրեն (չնայած դա միայն Քո գործն է): Այսքանը: Էլ ավելի շնորհակալ կլինեմ Rob ջան, եթե նշես կոնկրետ դեպքեր իմ կտրուկ, կամ ոչ նրբանկատ, կամ անհանդուրժողական լինելու: Անկեղծ ասում եմ, որ ուշադիր կլինեմ լսելու դրանք ու ի գիտություն ընդունելուց բացի, սիրով ներողություն կխնդրեմ տվյալ մասնակիցներից: Հարգանքներով: ERJANIK 11:10, 20 Մայիսի 2012 (UTC)[reply]
- Երջանիկ ջան, ես արդեն նշել եմ իմ կարծիքով քո «ոչ նրբանկատ» պահվածքի կոնկրետ դեպք՝ տալով քննարկման հղումը: Հիմա, գուցե սխալ եմ ընկալել քո խոսքերը, չեմ բացառում: Առավել ևս որևէ հիմք չունեմ քեզ չհավատալու առ այն, որ Հովհաննեսին վիրավորելու նպատակ չես ունեցել: Ինչ վերաբերում է «իրականությանն ընդունելու» կոչիդ, ապա ընդհանրապես միշտ հարել եմ այն տեսակետին, որ միջանձնային հարաբերություններն այնպիսի բան են, որ կողմերից որևէ մեկը չի կարող հավակնել, որ նա է մարմնավորում «իրականությունը»: 2) Չեմ քվեարկել Հովհաննեսի «Դաշնակահարը» հոդվածին մի պարզ պատճառով՝ կինոյի թեմատիկայով հոդվածներն ինձ այդքան էլ չեն հետաքրքրում: Նույն կերպ չեմ քվեարկում քիմիային, ֆիզիկային կամ ասենք աստղագիտությանը վերաբերող հոդվածներին: Ճիշտ ես՝ այս կամ այլ հոդվածին ուշադրություն դարձնելը կամ չդարձնելը յուրաքանչյուր վիքիմասնակցի իրավունքն է: 3) Վիքիմասնակցի մեկ այլ իրավունք է Խորհրդարանում կամ համապատասխան բաժիններում որևէ թեմա բարձրացնելը: Իհարկե, նա չպետք է ակնկալի, որ նրա գրառմանը անպայման որևէ արձագանք է հետևելու այլ վիքիմասնակիցների կողմից: Հիմա, իրավունք ունի որևէ մասնակից «իր հոդվածները ընտրյալ կամ օրվա հոդված դառնալու մասին քննարկումներ, խնդրանքներ, հուզումնալից խոսքեր, հիասթափության բառեր» գրելու: Իմ կարծիքով ունի, եթե պահպանվում են երկու հիմնական պայմանները. 1/ մասնակցի ասածը չի պարունակում անձնական վիրավորանք, 2/ գրառումը կատարվում է դրա համար նախատեսված տեղում: Խորհրդարանը /գլոբալ հարցադրումների համար/ և տվյալ հողդվածների քննարկման էջերը դրա համար նախատեսված տեղեր են, այլ մասնակիցների քննարկման էջերը՝ ոչ:...
- Ինչևէ, առաջարկում եմ այլևս չխորանալ ու փակել այս քննարկումը: Ընդունելով քո հավաստիացումը, որ ես սխալ եմ հասկացել քո խոսքերը, փոխում եմ իմ քվեն Ձեռնպահ-ի: --Rob (talk) 14:14, 20 Մայիսի 2012 (UTC)[reply]
- Մի քիչ խիստ է գնահատականը, բոլորս էլ լարված պահերի կարող ենք նման արտահայտություններ թույլ տալ, ըստ որում ոչ մի արհամարական բան չեմ տեսնում «տհաճ բառը անտեղի ես օգտագործում» ձևակերպման մեջ, մանավանդ որ խնդրո առարկա քննարկման մեջ Երջանիկը, իմ ընկալմամբ, փորձում է հաշտարար դեր ստանձնել, մի քիչ էլ փորձում է զսպող լինել (որի անհրաժեշտությունը իմ կարծիքով կար)։ --vacio 11:41, 20 Մայիսի 2012 (UTC)[reply]
- Rob ջան, շնորհակալ եմ կարծիքդ փոխելու համար: Կարևորը դա է, իսկ քվեն համեմատած կարծիքի կարևոր բան չէ: Համաձայնում եմ առաջարկիդ ու փակում եմ կոնկրետ այս թեմայով քննարկումը: ERJANIK 16:02, 20 Մայիսի 2012 (UTC)[reply]
- ՈՒզում եմ մի երկու բան էլ ես գրել, եթե հիշվել է իմ դեպքը: Շատ եմ հարգում մասնակից Ռոբին, որովհետև ինչպես երևում է ամեն ինչից, նա իրոք շատ արժանի, բարեկիրթ, մեծատառով անձ է: Միշտ էլ խուսափել է կոնֆլիկտներից և աշխատել է խնդիրները հարթել խաղաղ ճանապարհով: Դրա վկայությունն է այն, որ նույնիսկ հիշեց իմ դեպքը Երջանիկի հետ կապված: Իսկականից Ռոբն էր արժանի ադմին դառնալ, ավաղ չուզեց: Երջանիկն էլ արդեն փորձառու, մեծ ավանդ ունեցող, կրթված ու շնորքով մասնակից է: Կարծում եմ նրա արած այդ արտահայտությունները ներելի են, քանի որ վիրավորական բառեր նրա կողմից երբեք չեն հնչել իմ հասցեին: Մանր մունր, վեճեր ու ոչ բարով կատակներ եղել են (կարող եք նույնիսկ Վիքիպեդիա:Գնահատում/Արխիվ էջում նայել, կամ Հովիկ Վարդումյան հոդվածի քննարկման էջում), սակայն դրանք չեմ կարծում, որ պետք է առիթ հանդիսանան նրան չընտրելու համար: Այդպիսի դեպքեր միշտ էլ պատահել են ու բազմիցս կպատահեն, բոլորիս հետ էլ: Եվ հետո ասեմ, որ բացի ակնարկներ անելուց, Երջանիկը նաև շատ անգամ է ինձ օգնել, չեմ հերքի: Շատ է հետևել և ուղղել իմ բոլոր սխալները: Ինչ վերաբերվում է Երջանիկի ասածներին՝ իմ հաշվով, նա այնքան էլ ճիշտ չէ, որ ես ամեն ինչից հիասթափության բառեր եմ օգտագործում: Ես պարզապես միշտ մտածել եմ նախագծի բարելավման համար: Առաջ եմ քաշել իմ ծրագրերն ու առաջարկները, նախագծի զարգացման վերաբերյալ: Դրա համար էլ քննարկումներ եմ բացել, ինչպես դու նշեցիր, Երջանիկ: Եթե այստեղ բարձր չգոչես քո խնդրի մասին, ոչ ոք չի էլ նկատի դա: Պատիվ ունեմ: Hovhannes (talk) 08:47, 22 Մայիսի 2012 (UTC)[reply]
- Դեմ - Ես անկեղծ ուրախ եմ, որ նախագծում կան Երջանիկի նման մասնակիցներ, որոնք նաև թարմություն են բերում նախագիծ։ Նաև գնահատում եմ վերջին շրջանում փաստացի 2 մշտապես ակտիվ ադմիններին օգնելու ու հասնելու ցանկությունը։ Սակայն հատուկ ծանոթանալով Երջանիկի ներդրումներին, գտնում եմ, որ դեռ զգալիորեն շուտ է։
- Մի փոքր մանրամասնեմ, քանի որ հարցը առաջին խմբագրումից անցած բուն ժամանակը չէ։ Ստորև բերվածը ոչ մի դեպքում մեղադրանք, ու քանի որ քո թեկածության մասին է խոսքը, պարզապես ստիպված եմ հա քո անունը տալու, այնպես որ նեղանալ չկա։ Իմ համար հատկապես կարևոր էր այն, որ Երջանիկը դեռ չգիտի թե ինչ է մտնում ադմինի ֆունկցիաների մեջ, իսկ ինչր ոչ, որն է ընդհանուր դերակատարությունը և լիազորությունների սահմանը։ Գուցե էլ ավելի կարևոր էր, որ այդ հարցերի պատասխաննները նա չգտավ։ Նաև դեռ այդքան ծանոթ չէ Վիքիմեդիայի կառուցվածքին, երբեմն նախագծերի ոգուն։ Օրինակ հանգիստ է վերաբրեվում երբ այլ նոր մասնկից գրում է «մի խմբարեք ԻՄ հոդվածը, եթե ես ձեզ չեմ խնրդել» Վիքիպեդիայի համար վտանգավոր ու էությանը հակասող խնդրանքին։ Կամ երբ մեկ այլ մասնակից, նշում է, որ այլ անձիք պարբերաբար օգտվում են իր մասնակցի հաշվից, նույնպես կարծես թե խնդիր չի տեսնում։ Ադմինի մոտ նման արտահայտություններից պետք է որ ճնշումը կտրուկ բարձրանար :)։ Նման դեպքերից ես եկա այն կարծիքի, որ դեռևս ժամանակ է անհրաժեշտ տարբեր մոտեցումների, նորմերի, ընդհանուր ցանցային էտիկետի, նրբություններին ծանոթանալու համար, որպեսզի կարողանա նրանք հասցնել այլ մասնակիցներին և պահպանել դրանք նախագծում։ Կան այլ մանրուքներ, օրինակ քննարկումներում ավելի շատ անձերի անցումը քանի դա անհրաժեշտ է (դեպքերի ճնշող մեծամասնությունում դա բարյացակամ, խրախուսող ջերմ մթոնոլորտ ապահովող է, բայց փորձիցս գտնում եմ, որ մեկ է, ցանկալի է հնարավորինս քիչ անցնել անձերի քննարկումներում) ձևավորման դիմելուց
, քննարկումներում ավելնորդ անձնականացումից (չնայած դեպքերի մեծամասնություն)։ Վերջիվերջո իր մոտ դեռ հոդվածներ գրելու ցանկություն ու պաշար կա, իսկ ադմինը դերը ստանձնելուց հետո, դա շատ ավելի դժվար կլինի։ - Տեսնելով, թե որքան արագ է Եջանիկը ընտելացել նախագծին և համայնքին, համոզված եմ որ հաստատ, իմ նշած ոլորտներին տիրապետելու համար 5 տարի չի պահանջվի։ Իմ համար նաև մեծ պլյուս է, այն որ ինքը ունի տեխնիկական կրություն և ապագայում կկարողանա օգնել նաև տեխնիկական հարցերով։
- Կոչ եմ անում շարունակել, նույն ոգով աշխատանքը, ծանոթանալ այն ամենին ինչ ես հիշատակեցի, նաև իրավական հարցերի հիմունքներին։ Նաև կուզենայի մինչ հաջորդ թեկնածությունը տենսել թեկնածուներից, ամդինական դերում։ Այս պահին բոլոր ադմինները, կատարել են դե ֆակտո ադմինի գործը (ՎՓ պարեկություն, ջնջման պիտակումներ, անհրաժեշտության դեպքում ստյուարդներին դիմում արագ արգելափակման/ջնջման համար, նախազգուշացումներ և բացարտական աշխատանք խախտումների դեպքում), ինչից հետո ավելի հեշտ էր քվերակել իրանց անմիջական իրավունքներ տալու օգտին։
- Բայց առայժմ շուտ է, և մտավախություն ունեմ, որ այս պահին ադմին դառնալը և՛ Երջանիկի և՛ նախագծի համար, ավելի բացական կարող է լինել, քան դրական։ --Ալեքսեյ a.k.a. Xelgen քննարկում 22:53, 24 Մայիսի 2012 (UTC)[reply]
- Իհարկե որ նեղանալ չկա հարգելի Xelgen, շնորհակալ եմ մանրամասն խորհուրդներիդ ու առաջարկ-դիտողություններիդ համար: ERJANIK 06:04, 25 Մայիսի 2012 (UTC)[reply]
Ձեռնպահ
- Ձեռնպահ Երջանիկ ջան, շատ կուզենայի քեզ տեսնել ադմինիստրատորների շարքում, բայց, ցավոք, ոչ հիմա: Քեզ դեռ էլ է ժամանակ պետք, ադմինիստրատորի պարտականությունները չեն սահմանափակվում միայն հոդված ջնջելով: Կարծում եմ քեզ մի քիչ էլ է ժամանակ պետք ադմինիստրատորի կարգավիճակին համապատասխանելու համար, դեռ շուտ է: Միգուցե կարելի է նորից բացել այս քննարկումը օգոստոս-սեպտեմբերին: Բայց եթե համայնքը ուզենա ժամանակավոր ադմինիստրատոր ընտրել (օրինակ, մեկ կամ երկու ամսով, որպես փորձարկման ժամկետ հետագայում մշտական կարգավիճակ շնորհելու համար)՝ ես կտայի քեզ իմ ձայնը: --तावूश 20:14, 20 Մայիսի 2012 (UTC)[reply]
- Շնորհակալություն հարգելի Pandukht: Ժամկետի հետ կապված նորից եմ ասում համաձայն եմ անկախ իմ ադմին ընտրվել չընտրվելուց: ERJANIK 06:39, 21 Մայիսի 2012 (UTC)[reply]
- Ձեռնպահ Նախ ստաժդ շատ քիչ է, երկրորդ միայն ջնջելու համար ադմին ընտրելը անիմաստ է և վերջապես Վիքիպեդիան զարգացնելու համար ադմինի կարգավիճակ պետք չէ:--Samo04 (talk) 08:03, 21 Մայիսի 2012 (UTC)[reply]
- Ձեռնպահ Իմ կարծիքով էլ ստաժը դեռ քիչ է, օրինակ Վաչագանը 5 տարի սպասեց և նոր միայն ադմին ընտրվեց:--Արամ-Վան 08:19, 21 Մայիսի 2012 (UTC)[reply]
- Շնորհակալություն հարգելի Samo04 և Aram-van քվեարկության համար, պարզապես պարզաբանեմ ավելի պարզ լինելու համար, որ
- ես միայն ջնջելու համար չի որ ուզում եմ ադմին դառնալ (նկատի եմ ունեցել նաև ջնջելը, ուղղակի ամբողջապես չգիտեմ թե էլ ինչ կարող է անել ադմինը, որ թվարկեմ մնացած անելիքները)
- զարգացնելը իհարկե մեծագույն կապ չունի ադմին դառնալու հետ (առանց ադմինի էլ ներկայումս փորձում եմ զարգացնել Վիքիպեդիան իմ մասով, ինչքանով է ստացվում դա արդեն թող մյուսները գնահատեն), բայց այնուամենանիվ կապ ունի, քանի որ ադմին դառնալով հնրավարություններն են մեծանում զարգացնելու
- ստաժի հետ կապված, ասենք օրինակ Vacio-ն (Վաչագանը) ոչ թե սպասեց 5 տարի, այլ 5 տարի հետո ուզեց դառնալ ադմին:
Շնորհակալություն: ERJANIK 09:10, 21 Մայիսի 2012 (UTC)[reply]
- ուղղակի ամբողջապես չգիտեմ թե էլ ինչ կարող է անել ադմինը այսինքն ադմին ես ուզում դառնալ` չիմանալով, թե ինչ կարող է անել ադմինը բացի ջնջելուց?--Samo04 (talk) 09:38, 21 Մայիսի 2012 (UTC)[reply]
- Ձեռնպահ - Թող ինձ ների Երջանիկը, եթե իմ ձայնը սխալ հաշվի: Պարզապես համաձայն եմ մյուս մասնակիցների հետ: Ադմին դառնալու համար, իմ կարծիքով, երկար ժամանակ պետք է լինես նախագծում: Նաև ինձ թվում է, որ ավանդն էլ պետք է շատ մեծ ու կարևոր լինի: Գիտեմ, ոնց էլ լինի, ամպայման կդառնաս ադմինիստրատոր, Երջանիկ ջան, սակայն ավելի ուշ դառնալը ավելի լավ կլինի: Դեմ չէի ուզի քվեարկել, որպեսզի շատ խիստ չնայվեր, դրա համար առայժմ ձեռնպահ: Հուսով եմ ճիշտ կհասկանաս: Hovhannes (talk) 08:55, 22 Մայիսի 2012 (UTC)[reply]
Իհարկե հասկանում եմ և շնորհակալ եմ հարգելի Hovhannes քվեարկության համար: Ավելի շնորհակալ եմ Վիքիպեդիայում իմ ու Քո մեջ իբր ծագած խնդիրները ավելի լուսաբանելու համար: ERJANIK 08:59, 22 Մայիսի 2012 (UTC)[reply]
Ոչ, մենք ոչ մի խնդիր էլ իրար հետ չենք ունեցել: Ես ամենաքիչը կցանկանայի, որ այդպիսի կարծիք ստեղծվեր, իբր թե ես և դու իրար հետ երբևիցէ խնդիր ենք ունեցել: Այդպիսի բան չկար և չի էլ լինի: Եվ հետո, ինչպես դու դարձյալ ակնարկեցիր, ես ոչինչ էլ չեմ լուսաբանել: Ես նշեցի մանր-մունր վեճերը և նաև նշեցի, որ դու ինձ շատ ես օգնության ձեռք մեկնել, բայց դա դու չկոչեցիր լուսաբանում: Hovhannes (talk) 09:10, 22 Մայիսի 2012 (UTC)[reply]
Հարցեր թեկնածուին
Ստանդարտ
- Ադմինիստրատորի պարտականություններից որո՞նք եք հիմնականում պատրաստվում կատարել:
- անիմաստ, վատ թարգմանված, մի խոսքով ջնջման ենթակա հոդվածների հեռացում, նոր մասնակիցներին օգնել և այլն:
- Ինչպե՞ս եք գնահատում ձեր ներդրումը Վիքիպեդիայում:
- 8 բալ 10 բալանոց համակարգում:
- Ունեցե՞լ եք կոնֆլիկտներ Վիքիպեդիայի այլ մասնակիցների հետ: Եթե այո, ապա ինչպես եք դուք դրանք լուծել և ինչպես եք պատրաստվում դա անել այսուհետև:
- Ոչ, չեմ ունեցել:
- Ունե՞ք լրացուցիչ մասնակցի հաշիվներ: Նշում. Դուք պարտավոր չեք պատասխանել տվյալ հարցին և նշել պատճառը, որի ելնելով չեկ ուզում պատասխանել:
- Ոչ
- Եղե՞լ եք երբևէ արգելափակված: Եթե այո, ապա ի՞նչ պատճառով: (արգելափակումների մատյան)
- Ոչ
- Ծանո՞թ եք Վիքիպեդիայի ակտիվ մասնակիցներից որևէ մեկին իրական կյանքում:
- Այո, ծանոթ եմ 8 հոգու:
- Ունե՞ք ադմինիստրատորական փորձ այլ ռեսուրսներում (Ինչպես ֆորումի մոդերատորի, այդպես էլ վիքինախագծի ադմինիստրատորի դերում):
- Ոչ
Vacio մասնակցի կողմից
ERJANIK ուրախ եմ, որ ցանկություն ունես ադմին դառնալ։ Շնորհակալություն նաև վերևի հարցերին պատասխանելու համար։ Ես անկեղծ ասած ուրախ եմ, որ առաջին անգամ, որևէ մասնակից ինքն է նման ցանկություն հայտնում և ոչ թե ուրիշն է նրան առաջարկում (հուսով եմ դա ավանդույթ կդառնա)։ Ամեն դեպքում ունի մի քանի նկատառում և խնդրում եմ չհիասթափվես առաջին անգամից բավարար չափով ձայներ չհավաքես։
Ինչպես շատերը գիտեն, ես այն մասնակիցներից եմ, որոնք ցանկանում են, որ ադմինը նախագծում որոշիչ դեր չխաղա, որ նախագիծը լինի հնարվորինս ինքնակառավարվող և ինքնավերահսկվող։ Բայց ամեն դեպքում, ադմինի ֆունկցիաների մեջ ավելին է մտնում, քան հոդվածներ ջնջելը։ Ադմինը ունենում է մի քանի կոճակներ, որոնց միայն մեկ կիրառումը նախկինում և այժմ էլ շատ տարաձայնությունների ու երկարատև վեճերի առարկա է եղել։ Դրանք են հիմնականում՝ վիճելի հոդվածը կամ խմբագրումը ջնջելը, վիճալի հոդվածանունի տեղափոխել-ջնջելը, ֆայլերը ջնջնելը, մասնակիցների և ԱյՓիների արգելափակելը, հոդվածը պաշտպանելը և մի շարք այլ խնդիրներ, որոնք թեև ուղղակիորեն ադմինի լիազորությունների մեջ չեն մտնում, սակայն այս օրվա դրությամբ ադմինները դրանում կարևոր դեր են խաղում (օրինակ հոդվածի անունը ընտրելը, Ցուցափեղկ նախագիծը, կատեգորիաների կառավարումը, կարմիր հղումների, արտաքին հղումների ու կաղապարների քաղաքականությունը, բեռնված ֆայլերի հեղինակային իրավունքների հարցը և այլն և այլն....)։
Արդեն մի քանի տարի մենք փորձել ենք այդ հարցերը լուծել՝ քննարկելով ու կանոնակարգեր ստեղծելով։ Այդտեղ էլ շատ դարաձայնություններ են եղել, բայց ցավալին այն է, որ շատ քիչ է այդ գործը առաջ գնացել։ Շատ խնդիրների վերաբերյալ կանոնակարգ չկա և ադմինը ինքն է ամեն մի կոնկրետ դեպքում որոշում կայացնում։
Ինչ եմ ուզում ասել, կողմ կամ դեմ քվեարկելու համար, անհրաժեշտ է, որ մյուս մասնակիցները պատկերացնեն, թե ինչ դիրքորոշում ունես դու Հայերեն Վիքիպեդիայի համար զգայուն ու կենսական մի շարք հարցերի վերաբերյալ։ Դու օրինակ, կարճ ժամանակում, հսկայական ներդրումներ ես կատարել հոդվածների անվանատարածքում։ Բայց օրինակ դրանից դուրս շատ դեպքերում ինձ հայտնի չէ, թե ինչպես դու կվարվես։ Օրինակ բերեմ մի քանի հարց.
- Խելախոս և Քիմ Քարդաշյան հոդվածներում մասնակիցներին չի հաջողվել համաձայնության գալ հովդածի անվան շուրջ։ Ավելի քննարկումից երևում է, որ մասնակիցների տեսակետը այն մասին, թե ինչպես պետք է որոշել հոդվածի անունը, արմատականորեն տարբերվում է իրարից և կարելի է սպասել, որ հետագայում էլ այդ հողի վրա կլինեն կոնֆլիկտներ։ Ի՞նչ դիրքորոշում ունես դու։ Ինչպիսի՞ն պետք է լինի, ըստ քեզ Վիքիպեդիա:Հոդվածների անվանում կանոնակարգը։ Երբևէ մտածե՞լ ես նախաձեռնել դրա ստեղծումը։
- Ո՞ր դեպքերում ըստ քեզ պետք է հոդվածը պաշտպանել, արգելափակել որևէ մասնակցի կամ ԱյՓիի։ Ըստ քեզ դրա համար կանոնակարգ և ընթացակարգ պե՞տք է, թե լավ է, որ ադմինը ինքնուրույն որոշում կայացնի։ Վանդալություն գործած ԱյՓին արգելափակելու դեպքում, քեզ համար կարևո՞ր է, թե որ երկրից է այն (ասենք, եթե Ադրբեջանից է, ավելի խիստ կվարվե՞ս)։
- Ի՞նչ կարծիքի ես Ջնջման կանոնակարգի վերաբերյալ; Բավարար համարո՞ւմ ես։
- Որիշ ի՞նչ բացեր կամ թերացումներ ես տեսնում մեր այսօրվա կանոնակարգերում։ Օրինա՞կ համաձայն ես ներկա այն դրության հետ, որ ադմինները ընտրվում են անժամկետ, ոչ թե որոշակի ժամկետով։
Այս հարցերին ամբողջությամբ պարտադիր չէ, որ պատասխանես, մանավանդ, որ դժվար է միանգամից դիրքորոշում որդեգրել այդպիսի ծավալուն հարցերի վերաբերյալ (երբեմն երկար քննարկումներ են պետք մեկ-երկու սկզբունքի վերաբերյալ համաձայնության գալու վերաբերյալ)։ Ուզում ուղղակի քո և մասնակիցներ ուշադրությունը գրավել նրա վրա, որ մեր նախագծի համար կենսական նշանակություն ունի նաև կանոնակարգերի քննարկումը, ստեղծումը կամ փոփոխումը և դրան կարող է ու լավ կլինի, որ ակտիվորեն մասնակցի յուրաքանչյուր մասնակից՝ հատկապես եթե նա ցանկություն ունի մի օր ադմին դառնալ։
Հարգանքներով, --vacio 18:51, 17 Մայիսի 2012 (UTC)[reply]
- Շնորհակալ եմ թե հարցերիդ և թե նախնական խորհուրդներիդ համար հարգելի Vacio, փորձեմ պատասխանել քո հարցերից մի քանիսին:
Նախ ասեմ, որ իրոք շատ տեղին հարցեր ես ներկայացրել, որոնք իհարկե միայն ինձ չի, որ վերաբերվում են: Ասեմ հետևալները
- Նախ իհարկե որ չեմ հիասթափվի ոչ էլ դրա նման մի բան, եթե անհրաժեշտ ձայներ չհավաքեմ:
- Ջնջումների հետ կապված ասեցի, որովհետև գիտեմ որ ջնջումների հնարավորություն ունի անելու ադմինը, մնացած հնարավորություններին բնականաբար ծանոթ չեմ: Իսկ ջնջման կանոնակարգի հետ կապված, երբեք չեմ ջնջի այն հոդվածները որոնք կարճ են, այլ կավելացնեմ ու կդարձնեմ նորմալ հոդված, չնայած մեկ կամ երկու հոդված ինքս եմ պիտակել ջնջման այդ պատճառով, բայց իհարկե կփոխեմ ու կլրացնեմ դրանք անկախ նրանից ադմին կդառնամ թե ոչ:
- Միանշանակ համաձայն եմ, որ ադմինները ընտրվեն որոշակի ժամկետով, եթե այդ ընթացքում փաստացի կլինեն ադմին, ապա կքաջալերվեն ու նորից կավելացվի ադմինության ժամկետ, իսկ եթե չեն անի ադմինի հասանելիքը, կզրկվեն այդ իրավունքից:
- ԱյՓիների արգելափակման հետ կապված կասեմ, որ հեշտ չի կանոնակարգ մշակել, կարծում եմ ադմինը պետք է այնքան լայնախոհ ու ճկուն լինի, որ պարզապես միայնակ կայացնի որոշում: Չնայած կարելի է առաջարկել, որ այդ դեպքում մնացած ադմինների խորհրդով կամ քվեարկությամբ դա արվի, եթե իհարկե այդ ադմինները ակտիվ են: Այ ազգության հետ կապված չգիտեմ ինչ ասեմ, բայց մի անգամ եղել է, որ ադրբեջանցի մասնակցի ներկայացրել եմ արգելափակման, ով ակնհայտ վանդալություններ էր անում:
- Կանոնակարգերը թերևս ամենակարևոր մասերից պետք է լինեն Վիքիպեդիայի, պատրաստ եմ քննարկման սեղանի շուրջ կամ քննարկման Վիքիսեղանի շուրջ լավ կանոնակարգեր մշակել մյուս ակտիվ մասնակիցների հետ:
- Կոնկրետ խելախոս և Քիմ Քարդաշյան հոդվածների կարգի հոդվածների հետ կապված, ասեմ, որ ամենակարևորը ադմինը չպետք է պարզապես չարաշահի իր հնարավորությունը իր կարծիքը առաջ տանելու համար, պետք է մասնագետ ու ևս մեկ անգամ մասնագետ անձանցից կամ համապատասխան պատկան մարմիններից հարցնել կասկածելի հարցերը: Շատ անվանումներ կան, որ ասենք թարգմանության տեսանկյունից ճիշտ չեն, բայց այնքան են մտել մեր կենցաղ ու բառապաշար, որ հնարավոր չէ դրանք փոխել: Կան թարգմանություններ, որոնք դժվար է, բայց հնարավոր է փոխել: Ինչևէ միանշանակ որևէ բան ասել դժվար է:
- Որպես գործնական բաց կողմերից մեկը, կասեի նախագծում կաղապարների տեսակներ ոչ ամբողջական լինելը, եղած կաղապարների մեջ լրացումները, շատ կաղապարներ թարգմանության ու հայերեն դառնալու կարիք ունեն և ամենակարևորը պետք է ինչ-որ բան մտածել, որ հոդված ստեղծողը օգտվի տվյալ հոդվածում անհրաժեշտ կաղապարներից, ավելի ճիշտ ասած, ինչ-որ ձևով տեղյակ լինի պատրաստի կաղապարներից, որոնք շատ կհեշտացնեն գործը:
- Նաև որպես առաջարկ կուզեի որ ավելի հաճախ լիներ այսպես կոչված Վիքիշաբաթօրյակ, քանի որ բավականին շատ նյութեր կան մաքրելու, շտկելու, թարգմանելու, լրացնելու, փոխելու, ջնջելու և այլն: Սիրով կմասնակցեմ այդպիսի շաբաթօրյակների:
- Առայժմ այսքանը, պատրաստ եմ պատասխանել ու քննարկել ցանկացած հարց: Ասեմ, որ անկախ այս դիմումի արդյունքից, այսինքն իմ ադմին դառնալ, չդառնալուց, շարունակելու եմ մնալ Վիքիպեդիայում ու հնարավորինս օգնել բոլորին ու բոլորիս: Այսքանը, շնորհակալություն: ERJANIK 20:33, 17 Մայիսի 2012 (UTC):[reply]
- Երջանիկ ջան, շնորհակալություն հանգամանալի հարցերիս պատասխանելու համար։ --vacio 18:14, 19 Մայիսի 2012 (UTC)[reply]
- Ցանկանում եմ հիշեցնել, որ քվեարկությունը սկսվել է մայիսի 15-ին և պետք է տևեր 7 օր, որն արդեն սպառվել է, նշանակում ժամանակն է փակել քննարկումը:
- Երջանիկ ջան, շնորհակալություն հանգամանալի հարցերիս պատասխանելու համար։ --vacio 18:14, 19 Մայիսի 2012 (UTC)[reply]
Արդյունք
Կողմ | Դեմ | Ձեռնպահ | «Կողմ» ձայների թիվը | |||
---|---|---|---|---|---|---|
2 | 1 | 5 | 66.67 % | |||
Իրավունքները տրված չեն. 7 ձայն հավաքված չէ | ||||||
| ||||||
Նորընտիր ադմինիստրատորին պետք է նշել հետևյալ էջերում.
|
- Ադմինիստրատորի կարգավիճակը տրված չէ անբավարար «կողմ» ձայների պատճառով:--Արամ-Վան 08:02, 25 Մայիսի 2012 (UTC)[reply]