Օլեգ Մակարով (գեղասահորդ)
| Օլեգ Մակարով | ||
|---|---|---|
| Անձնական տեղեկություն | ||
| Սեռ՝ | արական | |
| Բնօրինակ անուն՝ | ռուս.՝ Оле́г Вита́льевич Мака́ров | |
| Մասնագիտացում՝ | գեղասահորդ և գեղասահքի մարզիչ | |
| Երկիր՝ |  Ռուսաստան և  ԱՄՆ | |
| Ծննդյան ամսաթիվ՝ | հոկտեմբերի 22, 1962 (61 տարեկան) | |
| Ծննդավայր՝ | Լենինգրադ, ՌԽՖՍՀ, ԽՍՀՄ | |
Պարգևներ   և  | ||
Օլեգ Վիտալիի Մակարով (ռուս.՝ Оле́г Вита́льевич Мака́ров, հոկտեմբերի 22, 1962, Լենինգրադ, ՌԽՖՍՀ, ԽՍՀՄ), խորհրդային գեղասահորդ, հանդես է եկել զուգասահքով։ Կնոջ՝ Լարիսա Սելեզնյովայի հետ 1984 թվականի Սարաևոյի ձմեռային օլիմպիական խաղերին դարձել է բրոնզե մրցանակակիր, պատանիների աշխարհի առաջնություններում (1980 և 1981)՝ կրկնակի չեմպիոն, Եվրոպայի կրկնակի և ԽՍՀՄ քառակի չեմպիոն։ ԽՍՀՄ սպորտի վաստակավոր վարպետ։ Միջազգային դասի ԽՍՀՄ սպորտի վարպետ։ Պարգևատրվել է «Աշխատանքում աչքի ընկնելու համար» մեդալով[1]։ Ներկա պահին ապրում և աշխատում է ԱՄՆ-ում՝ որպես մարզիչ։
Կարիերա[խմբագրել | խմբագրել կոդը]
Սկսել է պարել Մարինա Պետրովայի հետ։ Մասնակցած առաջին խոշոր մրցաշարերից մեկը 1978 թվականին Սվերդլովսկում կայացած ԽՍՀՄ ժողովուրդների ձմեռային սպարտակիադան էր, որտեղ էլ պատանիների կարգում զբաղեցրին 11-րդ տեղը[2]։ Սպորտային կարիերայի մեծ մասը մարզվել են մարզիչ Իգոր Մոսկվինի ղեկավարությամբ, ով միանգամից հասցրեց զույգին ամենաբարդ մակարդակի, այդ թվում՝ այդ ժամանակների համար աննախադեպ թռիչքների (եռակի տուլուպ, կրկնակի ակսել, կրկնակի ակսելի կասկադ-կրկնակի տուլուպ՝ մեկ ծրագրում), ինչպես նաև նետումների կոմբինացիա՝ կրկնակի ակսել-եռյակ-կրկնակի ակսել թռիչք։ Բացի այդ, զույգը համաշխարհային ծրագրերում առաջին անգամ ցուցադրել է չորս խիստ բարդ նետումներ՝ եռակի ռիտտբերգեր, սալխ, տուլուպ, ինչպես նաև ակսել՝ երկու ու կես պտույտով։ Իգոր Մոսկվինը փորձել է գեղարվեստական գաղափարների, երաժշտության և խորեոգրաֆիայի տեսանկյունից հետաքրքիր ծրագրեր կազմել։ Այս ամենը հնարավորություն տվեց զույգին ԽՍՀՄ հավաքականի առաջին մրցաշրջանում հանդես գալու ժամանակ օլիմպիական խաղերում (1984) նվաճել բրոնզ։
Հայտնի էր Օլեգ Մակարովի և Օլեգ Վասիլևի կոնֆլիկտը։ Մարզման ժամանակ մարզիկները բախվեցին, տեղի ունեցավ ծեծկռտուք։ Մակարովը կոտրեց Վասիլևի ծնոտը։ Արդյունքում Սելեզնյովա-Մակարով զույգը որակազրկվեց և բաց թողեց գրեթե ողջ 1983 թվականի մրցաշարը[3]։
Անձնական կյանք[խմբագրել | խմբագրել կոդը]
Ամուսնացած է իր նախկին զուգընկերուհու՝ Լարիսա Սելեզնյովայի հետ։ Նրանց աղջիկը՝ Քսենյա Մակարովան, 2010 թվականի Ռուսաստանի առաջնության կանանց մենասահքի չեմպիոնուհին էր։ Ծնողները՝ Օլեգ Մակարովն ու Լարիսա Սելեզնյովան, Քսենյա Մակարովայի մարզիչներն են։
Սպորտային ձեռքբերումներ[խմբագրել | խմբագրել կոդը]
1986 թվականից հետո
| Մրցումներ | 1986—87 | 1987—88 | 1988—89 | 1989—90 |
|---|---|---|---|---|
| Ձմեռային օլիմպիական խաղեր | 4 | |||
| Աշխարհի առաջնություններ | 4 | 3 | 4 | |
| Եվրոպայի առաջնություններ | 1 | 2 | 1 | 2 |
| ԽՍՀՄ առաջնություններ | 1 | 1 | 1 | |
| NHK Trophy | 1 | 2 | ||
| «Московские Новости» մրցարշավ | 3 |
Մինչև 1986 թվականը
| Մրցումներ | 1978—79 | 1979—80 | 1980—81 | 1981—82 | 1982—83 | 1983—84 | 1984—85 | 1985—86 |
|---|---|---|---|---|---|---|---|---|
| Ձմեռային օլիմպիական խաղեր | 3 | |||||||
| Աշխարհի առաջնություններ | 4 | 2 | 4 | |||||
| Եվրոպայի առաջնություններ | 4 | 2 | ||||||
| Պատանիների կարգում աշխարհի առաջնություններ | 2 | 1 | 1 | |||||
| ԽՍՀՄ առաջնություններ | 5 | 4 | 1 | |||||
| Պատանիների կարգում ԽՍՀՄ առաջնություններ | 1 | 1 | 1 | |||||
| «Московские Новости» մրցարշավ | 1 | |||||||
| Ennia Challenge Cup | 2 | 1 |
Ծանոթագրություններ[խմբագրել | խմբագրել կոդը]
- ↑ Обзор 1984 год с спорте. Журнал «Физкультура и спорт» 1985, стр. 37
- ↑ «Кира Иванова. Extras. Зимняя Спартакиада народов СССР 1978». Արխիվացված է օրիգինալից 2012 թ․ փետրվարի 1-ին. Վերցված է 2017 թ․ նոյեմբերի 2-ին.
- ↑ Интервью Игоря Москвина Елене Вайцеховской в газете «Спорт-Экспресс» от 25 августа 2009 года.
Արտաքին հղումներ[խմբագրել | խմբագրել կոդը]
- Сайт Selezneva & Makarov Արխիվացված 2007-09-30 Wayback Machine (անգլ.)
- Профиль на сайте В.Словьёва
| ||||||
