Cops & Doughnuts
Cops & Doughnuts | |
|---|---|
| Изображение логотипа | |
| Տեսակ | ռեստորան |
| Հիմնադրված է | 2009 |
| Երկիր |  ԱՄՆ |
| Կայք | copsdoughnuts.com(անգլ.) |
«Cops & Doughnuts», սրճարան ԱՄՆ-ի Միչիգան նահանգի Քլեր քաղաքում։ Բացվել է 2009 թվականին, մասնագիտացած սուրճի և քաղցր թխվածքների վրա։ Հայտնի է դարձել որպես ոստիկանության քաղաքային բաժանմունքի աշխատակիցներին սպասարկող հասարակական սննդի հաստատություն։
Պատմություն[խմբագրել | խմբագրել կոդը]
«Cops & Doughnuts» բացվել է 2009 թվականին, երբ 9 ոստիկաններ բացեցին (1896 թվականին հիմնադրված) «Clare City Bakery» թոնրատունը, որը պատրաստվում էր փակվել ֆինանսական խնդիրների պատճառով։ Այդ սպաներից մեկը՝ Գրեգ Ռայնարսոնը, ազատվել է ոստիկանությունից, որպեսզի իր ամբողջ ժամանակը նվիրի բաց սրճարանին։
Բացի սուրճ եւ փքաբլիթներ պատրաստելուց, սրճարանը նաեւ մասնագիտացած է ոստիկանության հետ կապված հուշանվերների վաճառքի մեջ[1]։ 2015 թվականին սրճարան է այցելել ավելի քան 500 000 մարդ[2]։ Ժամանակի ընթացքում սրճարանի սեփականատերերը նույնպես սկսել են վաճառել իրենց փքաբլիթներն ու սուրճը տեղական այլ հաստատություններում։ Ինչպես նաև բացվել են «Cops & Doughnuts»-ի մի քանի մասնաճյուղեր[3]։ Սրճարանում ուտեստների անվանումները կապված են ոստիկանական թեմատիկայի հետ։ Նրանց թվում են Night Stick դարչինային ձողիկները («ոստիկանական մահակ»), կիտրոնի լցոնով փքաբլիթներ Taser («թազեր»), լոնգ-ջոններ բեկոնով եւ թխկու օշարակով Squealer («մատնիչ»), Felony Fritter խնձորի ֆրիտերներ («հանցագործություն»)։ Սովորական սուրճը կոչվում է «Առավոտյան հերթափոխ», խիստ տապակած՝ «Գիշերային հերթափոխ», իսկ առանց կոֆեինի սուրճը՝ «Հանգստյան օր»։ Թեմատիկ անուններ կրում են նաև հետագայում բացված մասնաճյուղ-ճաշարանի սենդվիչները։ Սրճարանին կից գրեթե անմիջապես բացվել է հուշանվերների խանութ, որի հիմնական ապրանքներից մեկը դարձել են պրոֆիլի և անֆասի լուսանկարներով (անգլ.՝ mug shots) և հումորային ստորագրությամբ բաժակները[4]։
Հաստատությունը մեծ ճանաչում է ստացել ԱՄՆ-ում, քանի որ դա ֆրանչայզինգի աշխարհում բացարձակ նորարարություն էր[4]։
Ծանոթագրություներ[խմբագրել | խմբագրել կոդը]
- ↑ Marchetti, Domenica (2013 թ․ հոկտեմբերի 4). «Cops & Doughnuts an arresting success». American Food Roots. Արխիվացված է օրիգինալից 2018 թ․ սեպտեմբերի 30-ին. Վերցված է 2016 թ․ հունիսի 14-ին.
- ↑ Powers, Rebecca (2016 թ․ ապրիլի 6). «At this Michigan doughnut shop, cops are the owners, not the customers». The Washington Post. Վերցված է 2016 թ․ հունիսի 14-ին.
- ↑ Lavy, Kathleen (2016 թ․ մայիսի 11). «Cops & Doughnuts: A raised, glazed success story». Detroit Free Press. Վերցված է 2016 թ․ հունիսի 14-ին.
- ↑ 4,0 4,1 Johnson, Elizabeth (2013 թ․ մարտի 5). «Cops & Doughnuts». American Profile. Վերցված է 2016 թ․ հունիսի 14-ին.