Կարեն Բաբայան (մաշկավեներաբան)

Անվան այլ կիրառումների համար տե՛ս՝ Կարեն Բաբայան (այլ կիրառումներ)

Վիքիպեդիայում կան հոդվածներ Բաբայան ազգանունով այլ մարդկանց մասին։

Կարեն Բաբայան
Ծնվել է	հոկտեմբերի 30, 1947(1947-10-30)
Ծննդավայր	Երևան, Հայկական ԽՍՀ, ԽՍՀՄ
Մահացել է	հոկտեմբերի 31, 2021(2021-10-31) (74 տարեկան)
Մահվան վայր	Երևան, Հայաստան
Մահվան պատճառ	Կորոնավիրուսային վարակ COVID-19
Քաղաքացիություն	ԽՍՀՄ և  Հայաստան
Ազգություն	հայ
Կրթություն	Երևանի Մխիթար Հերացու անվան Պետական Բժշկական Համալսարան (1971)
Մասնագիտություն	մաշկավեներաբան առողջապահության կազմակերպիչ
Կոչում	պրոֆեսոր
Գիտական աստիճան	բժշկական գիտությունների դոկտոր և պրոֆեսոր
Աշխատավայր	Երևանի Մխիթար Հերացու անվան Պետական Բժշկական Համալսարան
Պարգևներ

Կարեն Ռշտունու Բաբայան (հոկտեմբերի 30, 1947(1947-10-30), Երևան, Հայկական ԽՍՀ, ԽՍՀՄ - հոկտեմբերի 31, 2021(2021-10-31), Երևան, Հայաստան), հայ մաշկավեներաբան, առողջապահության կազմակերպիչ։ Բժշկական գիտությունների դոկտոր (2002), պրոֆեսոր (2003)։

Կենսագրություն

1971 թվականին ավարտել է Երևանի պետական բժշկական ինստիտուտը։ 1972 թվականից աշխատում է ԵԲԻ մաշկավեներաբանության ամբիոնում (1998 թվականից՝ վարիչ), միաժամանակ, 1993 թվականից՝ ՀՀ առողջապահության նախարարության մաշկաբանության և սեռավարակների ԳԲԿ տնօրեն։ ՀՀ մաշկավեներաբանական ընկերակցության (1972 թվականից), Սեռավարակների դեմ պայքարի միջազգային միության (2004 թվականից) անդամ։ 1987-1993 թվականներին Երևան քաղաքի, 1993 թվականից՝ ՀՀ առողջապահության նախարարության գլխավոր մաշկավեներաբան։

Աշխատանքները վերաբերում են սնկաբանության, էլեկտրոնային մանրադիտման, մաշկային հիվանդությունների, վարակիչ մաշկախտերի, սեռավարակների տարածվածության, համաճարակաբանության և կանխարգելման, սեռական գիտելիքների տարածման խնդիրներին։

Համահեղինակ է «Սեռական բառարանի» (2003), «Սիֆիլիս» (1999) ատլասի։

Մահացել է կորոնավիրուսից, 2021 թվականի հոկտեմբերի 31-ին։

Անդամակցություն

• Սեռավարակների դեմ պայքարի միջազգային միության անդամ (2004)։

Պարգևներ

• ՀՀ Մխիթար Հերացու մեդալ (2002)

Երկեր

• Սեռական ճանապարհով փոխանցվող հիվանդություններ, Ե., 1992։
• Մաշկային և սեռափոխանցվող հիվանդությունների լաբորատոր ախտորոշումը, Ե., 1997 (համահեղինակ)։
• Սեռական առողջություն և սեռավարակների կանխում, Ե., 2000։