Կոմիտասի կիսանդրի (Քվեբեկ)

Կոմիտասի հուշարձան;
Շինության ձև	Կիսանդրի
Ներկա վիճակ	Կանգուն

Անվան այլ կիրառումների համար տե՛ս՝ Կոմիտասի հուշարձան (այլ կիրառումներ)

Կոմիտասի կիսանդրի, հայ մեծանուն երգահան Կոմիտասին նվիրված հուշարձան Կանադայի Քվեբեկ քաղաքի «Բանաստեղծների զբոսայգում»` Քվեբեկի Ազգային Ժողովի հարևանությամբ։

Պատմություն[խմբագրել | խմբագրել կոդը]

2006 թվականին Հայ Դատի Մոնրեալի կենտրոնական գրասենյակը Քվեբեկի քաղաքապետարանին է նվիրել Կոմիտաս վարդապետի բրոնզաձույլ կիսանդրին, որի բացման արարողությունը տեղի է ունեցել 2008 թվականի հուլիսի 6-ին։ Կիսանդրու բացման արարողությանը ներկա են գտնվել Քվեբեկի փոխքաղաքապետ Ժակ-Ժոլի Կյոռը, հայ համայնքի և Կանադայում Հայաստանի դեսպանության ներկայացուցիչներ^[1]։ Կիսանդրին տեղադրվել է Քվեբեկի 400-րդ տարեդարձի միջոցառումների շրջանակներում^[2]^[3]։