Յուղասունկ մայրու
| Յուղասունկ մայրու | ||||||
|---|---|---|---|---|---|---|
| Գիտական դասակարգում | ||||||
|
||||||
| Լատիներեն անվանում | ||||||
| Suillus punctipes
|
Յուղասունկ մայրու (լատին․՝ Suillus punctipes), Boletaceae ընտանիքին պատկանող սունկ։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
Ուտելի, միկոռիզա գոյացնող սունկ է, որի 9-12 սմ տրամագծով, դեղնագորշավուն, լորձային, բարձիկաձև գլխարկը սկզբում ուռուցիկ է, հետո՝ տափակ, երիտասարդ պտղամարմինների մոտ ծալված եզրերով։ Հասունանալուց հետո եզրերը բլթակավոր են։ Պտղամիսը դեղնաձիթապտղավարդագույն է։ Դեղնաձիթապտղագորշավուն խողովակները երիտասարդ պտղամարմինների մոտ նեղ են, հասունանալիս ունեն մինչև 2 մմ լայնություն։ Վերևում դեղին, անգույն գորտնուկներով ոտիկը հիմքային մասում կեղտոտ վարդագույն թաղիքե միցելիումով է, 6-8 x 1-2,5 սմ։ Սպորափոշին դեղնավուն է, էլիպսաձև, հարթ սպորները՝ 10 x 3,5 մկմ[1]։
Տարածվածություն[խմբագրել | խմբագրել կոդը]
Ընդհանուր արեալն ընդգրկում է Եվրոպան, Ասիան, Հյուսիսային Ամերիկան, Հարավային Կովկասը (Հայաստան)։ Հայաստանում հայտնաբերված է Երևանի ֆլորիստիկական շրջանում՝ քաղաք Երևան, Նորքի անտառ[1]։
Էկոլոգիա[խմբագրել | խմբագրել կոդը]
Հայաստանում հանդիպում է հազվադեպ, եզակի առանձնյակներով, 1000 մ բարձրությունում, հողի վրա, փշատերև անտառում, օգոստոս ամսին[1]։
Պահպանություն[խմբագրել | խմբագրել կոդը]
Կրիտիկական վիճակում գտնվող տեսակ է։ Անհրաժեշտ է իրականացնել աշխատանքներ նոր ապրելավայրերի հայտնաբերման ուղղությամբ[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիպահեստն ունի նյութեր, որոնք վերաբերում են «Յուղասունկ մայրու» հոդվածին։ |
|
