Պատկերասրահ Սոնյա թագուհու ախոռում
 | |
|---|---|
 | |
| Տեսակ | պատկերասրահ |
| Երկիր |  Նորվեգիա |
| Տեղագրություն | Օսլո |
| Հասցե | Parkveien 50, 0010 Oslo |
| Հիմնադրված է | 2017 |
| Ճարտարապետ | Hans Linstow? |
 | |
 | |
| Պաշտոնական կայք | |
Պատկերասրահ Սոնյա թագուհու ախոռում (նորվ.՝ Dronning Sonja KunstStall), թանգարան, գեղարվեստական պատկերասրահ և համերգասրահ, որը գտնվում է Օսլոյի թագավորական պալատի նախկին ախոռներում։
Նկարագրություն[խմբագրել | խմբագրել կոդը]
Ախոռը տեղակայված է պալատական այգու կողքին։ Այն կառուցվել է թագավորական պալատի հետ միաժամանակ։ Շինարարությունն ավարտվել է 1849 թվականին։ Սկզբնապես ախոռներում կարելի էր տեղավորել 38 ձի, բայց Հակոն 7-րդ թագավորի և նրա կնոջ՝ թագուհի Մոդի օրոք, համալիրը զգալիորեն ընդլայնվել և բարելավվել է։ 1905-1911 թվականների ընթացքում ախոռները վերածվել են ձիասպորտի կենտրոնի` ձիավարման սրահով, դարբնոցով և անասնաբուժական տարածքներով։ Ճարտարապետ Հյալմար Ուելհավենը (անգլ.՝ Hjalmar Welhaven) ղեկավարել է ընդլայնման նախագիծը, իսկ թագուհի Մոդը, հետևելով Լոնդոնի թագավորական ախոռների օրինակին, նախագծել է ախոռները[1]։
1940 թվականից ի վեր՝ ախոռում ձիեր չեն պահվել, իսկ Երկրորդ աշխարհամարտի տարիներին Նորվեգիայի գերմանական օկուպացիայից հետո շենքը հիմնականում օգտագործվել է որպես պահեստ և ավտոտնակ։ 2017 թվականին՝ Սոնյա թագուհու ծննդյան 80-ամյակին ընդառաջ, Հարալդ V թագավորը որոշել է վերանորոգել շենքը՝ որպես նվեր կնոջը։ Վերանորոգումը կատարվել է «Statsbygg»-ի, «Riksantikvatren»-ի և «Snøhetta»-ի համատեղ ջանքերով[2]։
Պատկերասրահը բաց է ամեն տարի՝ մարտից մինչև դեկտեմբեր ամիսներին, և ծառայում է որպես Նորվեգիայի թագավորական հավաքածուներից արվեստի գործերի ցուցահանդեսների, ինչպես նաև պատմամշակութային առարկաների ներկայացման վայր[3][4]։
Ցուցադրություններ[խմբագրել | խմբագրել կոդը]
- «Ցուցահանդեսի բացում»։ Նորվեգացի նկարիչների կողմից նվիրաբերված գրաֆիկական պատկերների ընդարձակ հավաքածու[5]
- «Արքայական ախոռ։ Ձիեր և դրանց հանդերձանք, 1905-1940 թվականներ»[6]
- «Քանդակ», Քելլ Էրիկ Քիլի Օլսենի ցուցահանդես[7][8]
- «Թոն Վիգելենդ․ զարդեր և քանդակներ»
- «Ավանդույթ և ոգեշնչում»։ Նորվեգիայի ժողովրդական արվեստի և ժողովրդական տարազների ցուցահանդես՝ ներառյալ թագավորական ընտանիքի անդամներին պատկանող իրեր[9]
- «Պատմություն»։ Սաամյան նկարիչների երեք սերնդի՝ Իվեր Յոկի, Սինև Պերսենի և Բրիտա Մարկատ Լաբբայի ցուցահանդես[10]
- «Նորվեգիայի երազանքը․ թագավոր Հակոնը և թագուհի Մոդը թագավորական հավաքածուներում»
Ծանոթագրություններ[խմբագրել | խմբագրել կոդը]
- ↑ «The Art Stable is open». www.royalcourt.no (անգլերեն). Վերցված է 2017 թ․ հոկտեմբերի 24-ին.
- ↑ «Queen Sonja Art Stable». snohetta.com (ամերիկյան անգլերեն). Արխիվացված է օրիգինալից 2017 թ․ նոյեմբերի 7-ին. Վերցված է 2017 թ․ նոյեմբերի 5-ին.
- ↑ The Royal Collections
- ↑ «Kong Harald om Sonjas nye kunsthall: "En gave til alle, for fremtiden"». Aftenposten. Վերցված է 2017 թ․ հոկտեմբերի 24-ին.
- ↑ NRK. «Dronning Sonja opnar kunsthall på 80-årsdagen». NRK (նորվեգերեն). Վերցված է 2017 թ․ հոկտեմբերի 24-ին.
- ↑ «New exhibition in the Queen Sonja Art Stable». www.royalcourt.no (անգլերեն). Վերցված է 2017 թ․ հոկտեմբերի 24-ին.
- ↑ NRK. «Først med separatutstilling i dronningens stall». NRK (գրքային նորվեգերեն). Վերցված է 2018 թ․ մարտի 6-ին.
- ↑ «Killi-Olsen i KunstStallen». www.kongehuset.no (նորվեգերեն). Վերցված է 2018 թ․ մարտի 14-ին.
- ↑ «The Queen Sonja Art Stable». www.royalcourt.no (անգլերեն). Արխիվացված է օրիգինալից 2018 թ․ դեկտեմբերի 15-ին. Վերցված է 2018 թ․ հունիսի 5-ին.
- ↑ «The Queen Sonja Art Stable». www.kongehuset.no (նորվեգերեն). Վերցված է 2018 թ․ դեկտեմբերի 11-ին.
Արտաքին հղումներ[խմբագրել | խմբագրել կոդը]
- Պատկերասրահ Սոնյա թագուհու ախոռում Արխիվացված 2019-12-05 Wayback Machine
- [1] Արխիվացված 2019-12-05 Wayback MachineՊատկերասրահ Սոնյա թագուհու ախոռում Visitoslo.com