Տալլինի բուսաբանական այգի

Գլխավոր մասնաշենք

Կախովի կամուրջ Պիրիտա գետի վրա

Տալլինի բուսաբանական այգի (էստ․՝ Tallinna Botaanikaaed), բուսաբանական այգի Էստոնիայի մայրաքաղաք Տալլինում, Տալլինի խորհրդանիշերից մեկը։ Այգին տեղակայված է Պիրիտա գետի աջ ափին՝ Տալլինի Պիրիտա շրջանում։ Այգին զբաղեցնում է 123 հա տարածք և ամենամեծն է Էստոնիայում։

Պատմություն

Տալլինում բուսաբանական այգի հիմնելու գաղափար եղել է դեռ 1860-ական թթ., սակայն իրականացվել է միայն 100 տարի անց։ Տալլինի բուսաբանական այգին հիմնադրվել է 1961 թ. դեկտեմբերի 1-ին որպես Գիտությունների ակադեմիա։ 1995 թ-ից այն պատկանում է քաղաքին։ Այգու բույսերի մեծ մասը տնկվել է առաջին 20 տարիների ընթացքում։ Բացօթյա այգին հաճախորդների համար բացվել է 1970 թ., ջերմոցը՝ 1971 թ.։

1992 թ-ից Տալլինի բուսաբանական այգին անդամակցում է Բալթիկայի բուսաբանական այգիների միությանը (ABBG), 1994 թ-ից՝ Բուսաբանական այգիների պահպանության միջասգային կազմակերպությանը (BGCI)։

Ներկայումս Տալլինի բուսաբանական այգին զբաղեցնում է Էստոնիայի առաջին նախագահ Կոնստանտին Պյատսի նախկին ֆերմայի տարածքը։

Տնօրեններ

Տարբեր տարիների Տալլինի բուսաբանական այգու տնօրեն են եղել՝

• Առնոլդ Պուկկ (1961–1978)
• Յուրի Մարտին (1978–1988)
• Անդրես Տարանդ (1989–1990)
• Հեյկի Տամմ (1991–1997)
• Յուրի Օտտ (1997–2001)
• Վեյկո Լիհմուս (2001–2005)
• Մարգուս Կինգիսեպ (2005–2009)
• Կարմեն Կիհր (2009 թ-ից)

Ցուցանմուշներ

Տալլինի բուսաբանական այգում ցուցադրվում են՝

• Արևադարձային տուն

• Արևադարձային հատված
• Մերձարևադարձային հատված
• Անապատ

• Վարդեր
• Կակաչներ
• Ալպիական անտառ
• Խառը անտառ
• Փշատերև անտառ

Արտաքին հղումներ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Տալլինի բուսաբանական այգի կատեգորիայում։

• Պաշտոնական կայքը
• Տալլինի բուսաբանական այգի Արխիվացված 2016-08-18 Wayback Machine