Նիդերլանդների ֆուտբոլի սուպերգավաթ կամ Յոհան Կրոյիֆի գավաթ (հոլ.՝ Johan Cruijff Schaal), նիդերլանդական ամենամյա ֆուտբոլային մրցաշար բաղկացած մեկ խաղից, որում մրցում են երկրի չեմպիոնը և գավաթակիրը։ Եթե վերոհիշյալ երկու մրցաշարերի հաղթողը նույն թիմն է ապա այն մրցում է գավաթի եզրափակիչ խաղի մասնակցի հետ։ Օգոստոսին` ազգային առաջնության մեկնարկից մեկ շաբաթ շուտ տեղի ունեցող սուպերգավաթի խաղով սովորաբար բացվում է ֆուտբոլային տարին Նիդերլանդներում։ Սուպերգավաթի գործող տիրակալը ՊՍՎ-ն է (2015)։ Սուպերգավաթի առաջին խաղը տեղի է ունեցել 1949 թվականին, իսկ ահա հաջորդ խաղարկությունն անց է կացվել միայն 1991 թվականին։ Այդ տարվանից սկսած մրցաշարը կրում է ամենամյա բնույթ, իսկ 1996 թվականից կրում է հանճարեղ ֆուտբոլիստ Յոհան Կրոյֆի անունը։
