Շիրակի մարզի ընդհանուր իրավասության դատարան

Շիրակի մարզի ընդհանուր իրավասության դատարան
Երկիր	Հայաստան
Տեղագրություն	Գյումրի, Անկախության հրապարակ, 7, Արթիկ, Բաղրամյան, 40, Մարալիկ, Հրանտ Շահինյան, 198, գյուղ Աշոցք։
Կոորդինատներ	40°47′36″ հս․. լ. 43°50′45″ ավ. ե.
Իրավազորության աղբյուր	ՀՀ Սահմանադրություն
Կայք	Պաշտոնական էջ
Դատարանի նախագահ
Ընթացիկ	Գագիկ Վոլոդյայի Հովհաննիսյան
Սկսած	2014 թվականից

Շիրակի մարզի ընդհանուր իրավասության դատարան, Հայաստանի Հանրապետության դատական համակարգի մաս կազմող ընդհանուր իրավասության դատարան, որին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը։ Դատարանի իրավասության ներքո է ՀՀ Շիրակի մարզը։

Իրավասություն

Դատարանին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը։ Շիրակի մարզի ընդհանուր իրավասության դատարանը վերահսկողություն է իրականացնում մինչդատական վարույթի նկատմամբ (այդ թվում՝ լուծում է կալանքը՝ որպես խափանման միջոց ընտրելու, բնակարանում խուզարկությունը թույլատրելու հետ կապված հարցերը), ինչպես նաև ըստ էության քննում է քրեական դատավարության օրենսդրությամբ նախատեսված այլ գործեր։

Դատավորներ

Շիրակի մարզի ընդհանուր իրավասության դատարանը կազմված է դատարանի նախագահից և տասնմեկ դատավորից.

• Գագիկ Վոլոդյայի Հովհաննիսյան, դատարանի նախագահ,
• Արմեն Օնիկի Խաչատրյան, դատավոր,
• Հայկանուշ Գաբրիելի Միքայելյան, դատավոր,
• Սուրեն Ալեքսանի Մնացյան, դատավոր,
• Աշոտ Զավենի Մանուկյան, դատավոր,
• Բագրատ Սերգեյի Մկրտչյան, դատավոր,
• Հարություն Սերյոժայի Մովսեսյան, դատավոր,
• Լիլիթ Ռաֆիկի Խաչատրյան, դատավոր,
• Մեխակ Կառլենի Գևորգյան, դատավոր,
• Հովհաննես Խաչիկի Ղազարյան, դատավոր,
• Վարդան Լևոնի Գրիգորյան, դատավոր,
• Արտակ Հենրիկի Թադևոսյան, դատավոր,
• Լենդրուշ Հրաչյայի Հովհաննիսյան, դատավոր։

Նստավայրեր

Շիրակի մարզի ընդհանուր իրավասության դատարանը ունի չորս նստավայր հետևյալ հասցեներով.

• ՀՀ, Շիրակի մարզ, ք. Գյումրի, Անկախության հրապարակ, 7,
• ՀՀ, Շիրակի մարզ, ք. Արթիկ, Բաղրամյան, 40,
• ՀՀ, Շիրակի մարզ, ք. Մարալիկ, Հրանտ Շահինյան, 198,
• ՀՀ, Շիրակի մարզ, գյուղ Աշոցք։